പവിത്രമായ ആ പുണ്യ ദിനങ്ങള്‍

നോമ്പ് അനുഭവം: എബി കുട്ടിയാനം

(www.kasargodvartha.com 03/07/2016) വിശുദ്ധ റമദാന്‍ മാസത്തിന്റെ ഓരോ ദിനരാത്രങ്ങളും ഏറെ പവിത്രവും ആഹ്ലാദകരവുമാണ്. പുണ്യങ്ങളോടൊപ്പം അറിവിന്റെയും അനുഭൂതിയുടേയും ഒരു ജാലകം കൂടി അത് നമുക്ക് മുന്നില്‍ തുറന്ന് വെക്കുന്നു. ന്യൂജനേറഷന്‍ കാലത്ത് ജ്യൂസുകള്‍ക്കും എണ്ണ പലഹാരങ്ങള്‍ക്കും നടുവിലുരന്ന് ആര്‍ഭാടപൂര്‍വം നോമ്പ് തുറക്കുന്ന നമുക്ക് മുന്നില്‍ പച്ചവെള്ളത്തിലും കാരക്ക കഷ്ണത്തിലും നോമ്പ് തുറന്ന ആ പഴയകാലം വല്ലൊത്തൊരു ആശ്ചര്യം തന്നെയാണ് ചൊരിയുന്നത്.

പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് ഇബ്രാഹിം ഖലീല്‍ ബുഖാരി തങ്ങള്‍, ആദൂര്‍ സയ്യിദ് ആറ്റു തങ്ങള്‍, കുമ്പോല്‍ കെ എസ് ആറ്റക്കോയ തങ്ങള്‍, അത്താഹുല്ല തങ്ങള്‍, യഹ്‌യല്‍ ബുഖാരി മടവൂര്‍, എം ആലിക്കുഞ്ഞി ഉസ്താദ്, പ്രൊഫ. കെ ആലിക്കുട്ടി മുസ്‌ലിയാര്‍, ബേക്കല്‍ ഉസ്താദ്, എം എ ഖാസിം മുസ്‌ലിയാര്‍ തുടങ്ങിയ മഹാപണ്ഡിതന്മാരുടെ അനുഭവങ്ങള്‍ക്ക് പുറമെ എന്‍ എ നെല്ലിക്കുന്ന് എം എല്‍ എ, പി ബി അബ്ദുര്‍ റസാഖ് എം എല്‍ എ, പോലീസ് ഉദ്യോഗസ്ഥര്‍ തുടങ്ങിയ വിവിധ തലങ്ങളിലുള്ളവര്‍ വരെ അനുഭവങ്ങള്‍ പങ്കുവെക്കാനെത്തിയപ്പോള്‍ സുഖമുള്ള വായനാനുഭവമാണ് ഉണ്ടായത്.

ഇങ്ങനെയും ഒരു കാലമുണ്ടായിരുന്നുവെന്നും അര്‍ധ പട്ടിണിയിലും അസൗകര്യങ്ങളിലും അവര്‍ ചെയ്ത ത്യാഗങ്ങളാണ് ഇന്ന് നാം അനുഭവിക്കുന്ന സുഖങ്ങള്‍ എന്ന് ഓരോ അനുഭവങ്ങളും പറഞ്ഞു തന്നു. കുപ്പായങ്ങള്‍ കൊണ്ട് മാമാങ്കം തീര്‍ക്കുന്ന് ഇക്കാലത്ത് പെരുന്നാളിന് പോലും നല്ലൊരു കുപ്പായമിടാത്തവരായിരുന്നു നമ്മുടെ മുന്‍തലമുറയെന്ന് ഇവിടെ വെച്ച് നാം പിന്നെയും വായിച്ചെടുത്തു.




Related Articles: