കുഡ്‌ലു ബാങ്ക് കൊള്ള: സ്വര്‍ണം കണ്ടെടുത്തു; കൂടുതല്‍ പ്രതികള്‍ പിടിയിലായതായി സൂചന

കാസര്‍കോട്: (www.kasargodvartha.com 17/09/2015) കുഡ്‌ലു ബാങ്കില്‍നിന്നും കൊള്ളയടിച്ച 21 കിലോ സ്വര്‍ണത്തില്‍ ഭൂരിഭാഗവും പോലീസ് കണ്ടെടുത്തു. മുഖ്യപ്രതി ഷരീഫിന്റെ വീടിനടുത്ത പറമ്പിലെ തെങ്ങിന്‍ചുവട്ടില്‍ കുഴിച്ചിട്ട നിലയിലാണ് വ്യാഴാഴ്ച പുലര്‍ച്ചെ സ്വര്‍ണം കണ്ടെടുത്തതെന്നാണ് വിവരം. കൂടുതല്‍ പ്രതികളും പിടിയിലായിട്ടുണ്ടെന്നും വിവരമുണ്ട്.

ബാങ്ക് കൊള്ളയുമായി ബന്ധപ്പെട്ടവിവരങ്ങള്‍ അറിയിക്കുന്നതിനായി ജില്ലാ പോലീസ് ചീഫ് ഡോ. എ. ശ്രീനിവാസ് വ്യാഴാഴ്ച രാവിലെ 10.30ന് വാര്‍ത്താസമ്മേളനവും വിളിച്ചുചേര്‍ത്തിട്ടുണ്ട്. കേസിലെ മുഖ്യസൂത്രധാരനടക്കം പിടിയിലായിട്ടുണ്ടെന്ന് നേരത്തെ റിപോര്‍ട്ടുണ്ടായിരുന്നു.

ചൗക്കിക്ക് സമീപത്തെ കിണറ്റില്‍നിന്നാണ് സ്വര്‍ണം കണ്ടെടുത്തതെന്ന് റിപോര്‍ട്ടുണ്ടായിരുന്നുവെങ്കിലും ഷരീഫിന്റെ ബന്തിയോട് പച്ചമ്പള്ളത്തെ വീട്ടു പറമ്പിന് സമീപത്തെ പറമ്പിലെ തെങ്ങിന്‍ചുവട്ടില്‍നിന്നാണ് സ്വര്‍ണം കുഴിച്ചെടുത്തതെന്നാണ് പോലീസിന്റെ സ്ഥിരീകരണം.