Hi guest ,  welcome  |  Visit Kvartha  |  Visit Keralaflash  |  Reading Problem? Download Font

വിദ്യാര്‍ത്ഥിയെ ബസില്‍ ആക്രമിച്ച സംഭവത്തില്‍ കണ്ടക്ടറടക്കം 8 പേര്‍ക്കെതിരെ കേസ്

Written By kvartha delta on Thursday, 23 October 2014 | 1:14 pm

കാസര്‍കോട്: (www.kasargodvartha.com 23.10.2014) സ്‌കൂള്‍ വിദ്യാര്‍ത്ഥിയെ സ്വകാര്യ ബസില്‍ യാത്രചെയ്യുന്നതിനിടയില്‍ മര്‍ദിക്കുകയും പിന്നീട് വലിച്ച് പുറത്തിറക്കുകയും ചെയ്ത സംഭവത്തില്‍ ടൗണ്‍ പോലീസ് ബസ് കണ്ടക്ടറടക്കം എട്ട് പേര്‍ക്കെതിരെ കേസെടുത്തു.

വീരഹനുമാന്‍ ബസില്‍വെച്ച് 21ന് വൈകിട്ടാണ് സംഭവം. മുട്ടം കുനില്‍ സ്‌കൂളിലെ വിദ്യാര്‍ത്ഥി അണങ്കൂരിലെ അബ്ദുല്‍ ഖാദര്‍ ഷിനാസ് ഷിബിനെ (16) യാണ് കണ്ടക്ടര്‍ ആദ്യം മര്‍ദിച്ചത്. ടിക്കറ്റിന് നല്‍കിയ പണത്തിന്റെ ബാക്കി ചോദിച്ചപ്പോള്‍ വാക്കേറ്റമുണ്ടാവുകയും മര്‍ദിക്കുകയുമായിരുന്നു.

ബസ് താളിപ്പടുപ്പിന് സമീപമെത്തിയപ്പോള്‍ കണ്ടക്ടര്‍ മൊബൈല്‍ ഫോണില്‍ ഒരു സംഘത്തെ വിളിച്ചുവരുത്തി. ഇതിനിടയിലാണ് സംഘം ബസില്‍കയറി ഷിബിലിനെ മര്‍ദിച്ചത്. മര്‍ദനത്തില്‍ സാരമായി പരിക്കേറ്റ ഷിബിന്‍ കാസര്‍കോട് സ്വകാര്യ ആശുപത്രിയില്‍ ചികിത്സയിലാണ്.

സംഭവസ്ഥലത്ത് പോലീസെത്തിയപ്പോള്‍ ബസ് തടഞ്ഞ് ട്രിപ്പ് മുടക്കിയെന്ന പരാതിയില്‍ 2,000 രൂപ പിഴചുമത്തി കേസെടുക്കാന്‍ ബസ് ജീവനക്കാര്‍ പോലീസിനോട് പറഞ്ഞതായും വിദ്യാര്‍ത്ഥി പരാതിപ്പെട്ടു. ചില സ്വകാര്യ ബസുകളില്‍ വിദ്യാര്‍ത്ഥിളുടെ യാത്രാ സൗജന്യത്തെചൊല്ലി വാക്കേറ്റവും ഏറ്റുമുട്ടലും പതിവാണ്.
Kasaragod, Attack, Student, Case, Bus, Kerala, Assault, Injured, Hospital, Bus Conductor, Case against 8 for assaulting student.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
വൈറ്റ് ഹൗസിന്റെ മതില്‍ ചാടിക്കടക്കാന്‍ ശ്രമിച്ച മെരിലന്‍ഡ് സ്വദേശി പിടിയില്‍

Keywords: Kasaragod, Attack, Student, Case, Bus, Kerala, Assault, Injured, Hospital, Bus Conductor, Case against 8 for assaulting student.

Advertisement:
1:14 pm | 0 comments

എന്‍ഡോസള്‍ഫാന്‍: വലിയ തലയുമായി പിറന്ന പിഞ്ചുകുഞ്ഞ് മരിച്ചു

കാസര്‍കോട്: (www.kasargodvartha.com 23.10.2014) വലിയ തലയും കണ്‍പോളകളും ഇടത് ചെവിയുമില്ലാതെ പിറന്ന എന്‍ഡോസള്‍ഫാന്‍ ദുരിതബാധിതനായ ഒന്നരമാസം പ്രായമുള്ള കുഞ്ഞ് മരിച്ചു. എന്‍മകജെ പര്‍ത്താജെയിലെ സുന്ദരനായിക്-താര ദമ്പതികളുടെ ആണ്‍ കുഞ്ഞാണ് വ്യാഴാഴ്ച പുലര്‍ചെ നാല് മണിയോടെ മരിച്ചത്.

മംഗലാപുരത്തെ സര്‍ക്കാര്‍ ആശുപത്രിയില്‍ പിറന്ന കുട്ടിയുടെ തലയ്ക്ക് ജനിക്കുമ്പോള്‍ തന്നെ സാധാരണയില്‍ കവിഞ്ഞ വലിപ്പമുണ്ടായിരുന്നു. പിന്നീട് അനുദിനം തല വളരുകയായിരുന്നു. ഇതുസംബന്ധിച്ച് മാധ്യമങ്ങളില്‍ വാര്‍ത്ത വന്നതോടെ ജില്ലാ ഭരണകൂടവും എന്‍ഡോസള്‍ഫാന്‍ സെല്ലും കുട്ടിയുടെ ചികിത്സയ്ക്ക് സഹായം വാഗ്ദ്ധാനം ചെയ്യുകയും അടിയന്തിര ശസ്ത്രക്രിയയ്ക്ക് വിധേയനാക്കാന്‍ നടപടി സ്വീകരിച്ച് വരികയുമയാിരുന്നു. അതിനിടെയാണ് കുട്ടി ദുരിതങ്ങളില്ലാത്ത ലോകത്തേക്ക് യാത്രയായത്.

ഹൈഡ്രോസെഫാലസ് എന്ന് വിളിക്കുന്ന രോഗം കാരണമാണ് കുട്ടിയുടെ തല വളരുന്നതെന്ന് ഡോക്ടര്‍മാര്‍ പറഞ്ഞു. എന്‍ഡോസള്‍ഫാന്‍ തളിച്ചതിന്റെ പ്രത്യാഘാതമാണ് ഇതിന് കാരണം.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Endosulfan Victim, Obituary, Child, Kasaragod, Kerala, Enmakaje, Endosulfan victim dies.

10:59 am | 0 comments

ധനകാര്യ സ്ഥാപനം കൊള്ളയടിക്കാന്‍ പദ്ധതിയിട്ട അഞ്ചംഗ സംഘം റിമാന്‍ഡില്‍

കുമ്പള: (www.kasargodvartha.com 23.10.2014) കുബണൂരിലെ ആള്‍പാര്‍പില്ലാത്ത വീട്ടില്‍ താമസിച്ച് ധനകാര്യസ്ഥാപനം കൊള്ളയടിക്കാന്‍ പദ്ധതിയിടുന്നതിനിടെ നാട്ടുകാര്‍ പിടികൂടി പോലീസിലേല്‍പിച്ച സംഘം റിമാന്‍ഡില്‍.  കാസര്‍കോട് സി.ജെ.എം. കോടതിയാണ് പ്രതികളെ 15 ദിവസത്തേക്കു റിമാന്‍ഡു ചെയ്തത്.

നിലവില്‍ ഇവര്‍ക്കു മറ്റു കവര്‍ച്ചകളുമായി ബന്ധമില്ലെന്നാണ് ചോദ്യം ചെയ്യലില്‍ വ്യക്തമായതെന്നു കുമ്പള സി.ഐ. സുരേഷ് ബാബു പറഞ്ഞു. മുംബൈ സ്വദേശികളായ ഭാസ്‌ക്കരന്‍(62), ദീനാനാഥ്(59), മൃത്യുഞ്ജയന്‍(32), കര്‍ണാടക സ്വദേശി ജയശീലന്‍(36), ഉപ്പള കോടിബയല്‍ സ്വദേശി അബ്ദുല്‍ അസീസ് (48)എന്നിവരാണ് റിമാന്‍ഡിലായത്.

തിങ്കളാഴ്ച രാത്രിയാണ്  നാട്ടുകാര്‍ കവര്‍ച്ചാ സംഘത്തെ വീടു വളഞ്ഞു പിടികൂടി പോലീസിനു കൈമാറിയത്.  മഞ്ചേശ്വരം ആനക്കല്ലിലെ ഒരു സ്വകാര്യ ധനകാര്യ സ്ഥാപനം കൊള്ളയടിക്കാനായിരുന്നു പദ്ധതി.

ഒരു തോക്ക്, ആറു തിരകള്‍, മൂന്നു വാള്‍, കയര്‍, പ്ലാസ്റ്റര്‍, വ്യാജ നമ്പര്‍ പ്ലേറ്റുകള്‍, അഞ്ച് മൊബൈലുകള്‍, പണം എന്നിവ പ്രതികള്‍ താമസിച്ച വീട്ടില്‍ നിന്നു പോലീസ് കണ്ടെടുത്തു. പ്രതികള്‍ സഞ്ചരിക്കാന്‍ ഉപയോഗിച്ച ടവേര കാറും പോലീസ് കസ്റ്റഡിയിലെടുത്തിട്ടുണ്ട്.
Kasaragod, Kerala, Kumbala, Remand, Police, Court, Custody, House, Cash,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
10:54 am | 0 comments

പൂനെയില്‍ ഹോട്ടല്‍ വ്യാപാരിയായ മൊഗ്രാല്‍ കടവത്തെ ഹമീദ് ഹൃദയാഘാതം മൂലം മരിച്ചു

മൊഗ്രാല്‍: (www.kasargodvartha.com 23.10.2014) മൊഗ്രാല്‍ സ്വദേശിയും പൂനെയിലെ ഹോട്ടല്‍ വ്യാപാരിയുമായ ഹമീദ് കടവത്ത് (52) ഹൃദയാഘാതം മൂലം മരിച്ചു. മൊഗ്രാല്‍ കടവത്തെ പരേതനായ ചെമ്മനാട് മമ്മുഞ്ഞിയുടെ മകനാണ്. തിങ്കളാഴ്ച നെഞ്ച്  വേദനയെ തുടര്‍ന്ന് പൂനെയിലെ ആശുപത്രിയില്‍ തീവ്രപരിചരണ വിഭാഗത്തില്‍ പ്രവേശിപ്പിച്ച ഹമീദിനെ മംഗലാപുരത്തെ ആശുപത്രിയിലേക്ക് മാറ്റുന്നതിനിടെ വ്യാഴാഴ്ച പുലര്‍ച്ചെ നാല് മണിയോടെയായിരുന്നു അന്ത്യം.

മാതാവ്: പരേതയായ നഫീസ. ഭാര്യ: ഫാത്വിമ. മക്കള്‍: ഫസീല, തൗസീഫ് (ഖത്തര്‍), ഹബീബ് (ദുബൈ), നിസാമുദ്ദീന്‍, സക്കീര്‍. മരുമകന്‍: ഇബ്രാഹിം കോട്ട. സഹോദരങ്ങള്‍: ബഷീര്‍, മൂസ, ബീഫാത്വിമ, പരേതയായ സൈനബ. മൊഗ്രാല്‍ കടപ്പുറം വലിയ ജുമാമസ്ജിദ് ഖബര്‍സ്ഥാനില്‍ വ്യാഴാഴ്ച വൈകിട്ട് ഖബറടക്കും. ഹമീദിന്റെ വിയോഗം നാടിനും സമൂഹത്തിനും കനത്ത നഷ്ടമാണെന്ന് വാര്‍ഡ് മെമ്പര്‍ ഷുഐബ് മൊഗ്രാല്‍ പറഞ്ഞു. മൊഗ്രാല്‍ കടവത്ത് സിറ്റിസണ്‍ ക്ലബ്ബ് പ്രവര്‍ത്തകരും അനുശോചിച്ചു.
Mogral, Died, Obituary, Hotel, Mogral Kadappuram, Hameed, Pune, Heart Attack, Hospital,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
10:50 am | 0 comments

മേല്‍പറമ്പിലെ മാളികയില്‍ ഹമീദ് നിര്യാതനായി

മേല്‍പറമ്പ്: (www.kasargodvartha.com 23.10.2014) പൗരപ്രമുഖന്‍ മേല്‍പറമ്പിലെ മാളികയില്‍ ഹമീദ് (65) നിര്യാതനായി. നേരത്തെ കാസര്‍കോട് റെയില്‍വേസ്‌റ്റേഷന്‍ റോഡില്‍ യൂണിക് ഫാര്‍മസി നടത്തിയിരുന്നു. മേല്‍പറമ്പ് കടവത്തെ പള്ളി നിര്‍മിച്ചത് ഹമീദിന്റെ കുടുംബമായിരുന്നു.

പരേതനായ ആമുവിന്റെ മകനാണ്. ഭാര്യ: ഉമ്മാലിമ്മ. മക്കള്‍: അന്‍വര്‍, സാഹിറ. മരുമകന്‍: ഇഖ്ബാല്‍. സഹോദരന്‍: മുഹമ്മദ്. ഖബറടക്കം വ്യാഴാഴ്ച ഉച്ചയ്ക്ക് കടവത്ത് മസ്ജിദ് ഖബര്‍സ്ഥാനില്‍ നടക്കും.
Kasaragod, Kerala, Melparamba, Died, Obituary, Masjid,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
10:34 am | 0 comments

ഹജ്ജിനു പോയ കീഴൂര്‍ സ്വദേശി മദീനയില്‍ നിര്യാതനായി

മേല്‍പറമ്പ്: (www.kasargodvartha.com 23.10.2014) ഹജ്ജ് കര്‍മം നിര്‍വ്വഹിച്ചതിനു ശേഷം നാട്ടിലേക്കു മടങ്ങാനിരുന്ന കീഴൂര്‍ സ്വദേശി മദീനയില്‍ നിര്യാതനായി. കീഴൂരിലെ മുഹമ്മദ് കുഞ്ഞി ഹാജി(70)യാണ് വ്യാഴാഴ്ച രാവിലെ മദീനയിലെ താമസ സ്ഥലത്ത് ഹൃദയാഘാതത്തെ തുടര്‍ന്ന് മരിച്ചത്.

ഭാര്യ ബീഫാത്വിമയ്‌ക്കൊപ്പം സര്‍ക്കാര്‍ ക്വാട്ടയിലാണ് മുഹമ്മദ് കുഞ്ഞി ഹജ്ജിനു പോയത്. ഈ മാസം 27ന് നാട്ടിലേക്കു മടങ്ങാനിരുന്നതാണ്. അതിനിടെയാണ് മരണമുണ്ടായതെന്ന് കൂടെ ഹജ്ജിനു പോയവര്‍ നാട്ടിലെ ബന്ധുക്കളെ അറിയിച്ചു. മൃതദേഹം മദീനയില്‍ ഖബറടക്കും.

പിതാവ്: അഹമ്മദ്. മക്കള്‍: അഹമ്മദ്, അമീര്‍, ഫൈസല്‍, മുത്തലിബ്, ആമിന, ഖദീജ, പരേതയായ ജമീല.

മരുമക്കള്‍: റഷീദ് തെക്കില്‍, മുഹമ്മദ് കുഞ്ഞി, സബീദ, സറീന, ആഇശ. സഹോദരങ്ങള്‍: മുത്തലിബ് ഹാജി കീഴൂര്‍, അബ്ദുല്ലക്കുഞ്ഞി ഹാജി കീഴൂര്‍, ഖാദര്‍, അബ്ദുര്‍ റഹ്മാന്‍, ബീഫാത്വിമ.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Hajj, Madeena, Hajj, Gulf, Obituary,  Kizhur, Muhammed Kunhi Haji, Kizhur Muhammed Kunhi Haji passes away

10:30 am | 0 comments

റോഡ് അപകടങ്ങള്‍ പതിവായി; 'പുഞ്ചിരി'യുടെ റോഡ് ഉപരോധം വെള്ളിയാഴ്ച

ബോവിക്കാനം: (www.kasargodvartha.com 23.10.2014) സംസ്ഥാന പാതയായ ചെര്‍ക്കള, ജാല്‍സൂര്‍ റോഡ് ബോവിക്കാനം ടൗണ്‍ ഭാഗങ്ങളില്‍ വാഹനാപകടം പതിവായി. പത്ത് വര്‍ഷത്തിനിടയില്‍ 10ഓളം ജീവന്‍ അപഹരിക്കപ്പെട്ടു. ഇവിടെ ഡിവൈഡറും, ട്രാഫിക് സര്‍ക്കിളും സ്ഥാപിച്ച് വാഹനങ്ങള്‍ക്കും പൊതുജനങ്ങള്‍ക്കും യാത്ര സൗകര്യമുണ്ടാക്കണമെന്ന് ആവശ്യപ്പെട്ട് പൊതു മരാമത്ത് വകുപ്പിന്റെ കണ്ണുകള്‍ തുറപ്പിക്കുന്നതിന് മുളിയാര്‍ പുഞ്ചിരിയുടെ ആഭിമുഖ്യത്തില്‍ റോഡ് ഉപരോധിക്കുമെന്ന് പുഞ്ചിരി ഭാരവാഹികള്‍ അറിയിച്ചു. ഒക്‌ടോബര്‍ 24 വെളളിയാഴ്ച്ച രാവിലെ 10.30 മണിക്ക് ബോവിക്കാനം ടൗണിലാണ്
ഉപരോധ സമരം സംഘടിപ്പിക്കുന്നത്.

വിവിധ രാഷ്ട്രീയ പാര്‍ട്ടി പ്രവര്‍ത്തകരും, ബഹുജനങ്ങളും, വ്യാപാരികളും, ഓട്ടോ, ടാക്‌സി തൊഴിലാളികളും സമരത്തില്‍ പങ്കെടുത്ത് വിജയിപ്പിക്കണമെന്ന് പുഞ്ചിരി ഭാരവാഹികളുടെ അടിയന്തിരയോഗം ആവശ്യപ്പെട്ടു. പ്രശ്‌നത്തിന്റെ ഗൗരവം കണക്കിലെടുത്ത് അന്നേദിവസം അരമണിക്കൂര്‍ സമരത്തില്‍ പങ്കെടുത്ത് യാത്രക്കാര്‍ സഹകരിക്കണമെന്ന് യോഗം അഭ്യര്‍ത്ഥിച്ചു.

പ്രസിഡണ്ട് കെ.ബി. മുഹമ്മദ് കുഞ്ഞി അധ്യക്ഷത വഹിച്ചു, മസൂദ് ബോവിക്കാനം, ബി.സി. കുമാരന്‍, സിദ്ദീഖ് ബോവിക്കാനം, ഹസൈന്‍ നവാസ്, ശാന്തിനി കുമാരന്‍, ബി. അഷ്‌റഫ്, അബ്ബാസ് മുതലപ്പാറ, ഷെറീഫ് കൊടവഞ്ചി, സി. സുകുമാരന്‍ മാസ്റ്റര്‍ തുടങ്ങിയവര്‍ സംബന്ധിച്ചു.
Kasaragod, Kerala, Bovikanam, Road, Accident, Accidental-Death, Vehicle, Travel,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
9:34 am | 0 comments

ജില്ലാആശുപത്രിയിലേക്ക് ബസ് സര്‍വീസ് വേണം, തെരുവുവിളക്കുകള്‍ പ്രകാശിപ്പിക്കണം: സി.പി.എം

കാഞ്ഞങ്ങാട്: (www.kasargodvartha.com 19.08.2014) കാഞ്ഞങ്ങാട് നിന്ന് അതിയാമ്പൂര്‍, കാലിക്കടവ്, ഉദയംകുന്ന് വഴി ജില്ലാ ആശുപത്രിയിലേക്ക് ബസ് സര്‍വീസ് ഏര്‍പെടുത്തണമെന്ന് സി.പി.എം അജാനൂര്‍ കാലിക്കടവ് ബ്രാഞ്ച് സമ്മേളനം പ്രമേയത്തില്‍ ആവശ്യപ്പെട്ടു. ബ്രാഞ്ച് പരിധിയിലെ മുഴുവന്‍ തെരുവുവിളക്കുകളും പ്രകാശിപ്പിക്കണമെന്നും ആവശ്യപ്പെട്ടു.

സമ്മേളനം കാഞ്ഞങ്ങാട് ഏരിയാ കമ്മിറ്റിയംഗം എ.ദാമോദരന്‍ ഉദ്ഘാടനം ചെയ്തു. പി.ബാലന്‍ അധ്യക്ഷത വഹിച്ചു. പി.മനോജ്, എം.വി.രാഘവന്‍, സെക്രട്ടറി എ.കെ.ലക്ഷ്മണന്‍, കെ.രതീഷ്, പി.വി.സുനില്‍കുമാര്‍ എന്നിവര്‍ പ്രസംഗിച്ചു.
Kanhangad, Kasaragod, Kerala, Bus, CPM, District-Hospital, Secretary, Bus Service,
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
8:51 am | 0 comments

തല കല്ലിട്ടു തകര്‍ത്ത നിലയില്‍ അജ്ഞാതന്റെ മൃതദേഹം

മംഗലാപുരം: (www.kasargodvartha.com 23.10.2014) തല കല്ലിട്ടു തകര്‍ത്ത നിലയില്‍ അജ്ഞാതന്റെ മൃതദേഹം കണ്ടെത്തി. ഉര്‍വ മാരിഗുഡി ക്ഷേത്രത്തിനടുത്ത എം.സി.സി. ബയലു രംഗമണ്ഡപത്തിന്റെ സ്‌റ്റെപ്പിലാണ് വ്യാഴാഴ്ച രാവിലെ മൃതദേഹം കാണപ്പെട്ടത്. കല്ലിട്ട് തല തകര്‍ത്തു കൊലപ്പെടുത്തിയതാകാമെന്നാണ് പോലീസ് നിഗമനം.

മരിച്ചയാളെ തിരിച്ചറിയാന്‍ കഴിഞ്ഞിട്ടില്ല. ഇത് അന്വേഷണത്തെ പ്രതികൂലമായി ബാധിക്കുന്നു. സ്ഥലത്ത് രക്തം തളം കെട്ടി നില്‍ക്കുകയായിരുന്നു.

മംഗലാപുരം പോലീസ് കമ്മീഷണര്‍ ആര്‍. ഹിതേന്ദ്ര, ഡെപ്യൂട്ടി പോലീസ് കമ്മീഷണര്‍ വിഷ്ണു വര്‍ധന, ഉര്‍വ പോലീസ് എന്നിവര്‍ സ്ഥലം സന്ദര്‍ശിച്ചു. പോലീസ് നായയെ സ്ഥലത്തെത്തിച്ചു പരിശോധന നടത്തി.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
8:04 am | 0 comments

6.13 ലക്ഷത്തിന്റെ സ്വര്‍ണവുമായി കാസര്‍കോട് സ്വദേശി മംഗലാപുരം വിമാനത്താവളത്തില്‍ പിടിയില്‍

Written By kvarthakgd1 on Wednesday, 22 October 2014 | 11:30 pm

മംഗലാപുരം: (www.kasargodvartha.com 22.10.2014) 6,13,568 രൂപയുടെ സ്വര്‍ണവുമായി കാസര്‍കോട് സ്വദേശി മംഗലാപുരം വിമാനത്താവളത്തില്‍ പിടിയിലായി. മൊഗ്രാല്‍ പുത്തൂര്‍ മൊഗര്‍ ഹൗസിലെ ചക്ലി ഷഫീഖ് (25) ആണ് പിടിയിലായത്.

ബുധനാഴ്ച രാവിലെ 7.30ന് ദുബൈയില്‍ നിന്നെത്തിയ 9W531 ജെറ്റ് എയര്‍വേയ്‌സ് വിമാനത്തിലെ യാത്രക്കാരനായിരുന്നു ഷഫീഖ്. 224.75 ഗ്രാം സ്വര്‍ണമാണ് ഇയാളില്‍ നിന്നും പിടികൂടിയത്. കമ്പി രൂപത്തിലാക്കിയ സ്വര്‍ണത്തില്‍ സില്‍വര്‍ നിറം പൂഷി ലാപ്‌ടോപ് ബാഗിനകത്ത് ഒളിപ്പിച്ചു കടത്തുകയായിരുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Mangalore, Gold, Arrest, Airport, Kasaragod, Mogral puthur, Dubai, National, Shafeeque Chakli

Keywords: Mangalore, Gold, Arrest, Airport, Kasaragod, Mogral puthur, Dubai, National, Shafeeque Chakli, Gold Worth Rs 6.13 Lakh Seized at International Airport. 

11:30 pm | 0 comments

ദീപങ്ങള്‍ മിഴി തുറന്നു, ദീപാവലി ആഘോഷം ഭക്തിസാന്ദ്രമായി

കാസര്‍കോട്:(www.kasargodvartha.com 22.10.2014) ദീപങ്ങളുടെയും പ്രത്യാശയുടെയും വെളിച്ചത്തിന്റെയും നന്മയുടെയും ഉത്സവമായ ദീപാവലി നാടെങ്ങും ആഘോഷിക്കുന്നു. ബുധനാഴ്ച മുതല്‍ മൂന്നുനാള്‍ ഹൈന്ദവ ഭവനങ്ങളും ദേവാലയങ്ങളും ദീപപ്രഭയില്‍ മുങ്ങും.

മണ്‍ ചെരാതുകള്‍ തെളിയിച്ചും മെഴുകു തിരി തെളിയിച്ചുമാണ് ദീപങ്ങള്‍ കത്തിക്കുന്നത്. വീട്ടുമുറ്റങ്ങളില്‍ പാലയുടെ ശിഖരം നാട്ടി അതിന്റെ കവരുകളില്‍ ചെറിയ മണ്‍ചെരാതുകള്‍ കത്തിച്ചുവെച്ച് പൊലിയന്ത്രന്‍ വിളിക്കും. തറവാട്ടു ഭവനങ്ങളുടെ മുറ്റത്തും ക്ഷേത്രമുറ്റത്തും കവുങ്ങു നാട്ടിയാണ് അതില്‍ ദീപങ്ങള്‍ തെളിക്കുന്നത്.

രാജ്യമെമ്പാടും കൊണ്ടാടുന്ന ഒരു ആഘോഷമാണ് ദീപാവലി. കര്‍ണാടക, മഹാരാഷ്ട്ര സംസ്ഥാനങ്ങളില്‍ ദീപാവലിക്കു വലിയ പ്രാധാന്യം കല്‍പിക്കുന്നു. വീടുകള്‍ക്കു മുമ്പില്‍ കൂടു വിളക്കുകളും ദീപാവലിക്കു പ്രകാശിപ്പിക്കും.

അജ്ഞതയുടെ അന്ധകാരത്തെ, അറിവിന്റെ വെളിച്ചം കൊണ്ട് അകറ്റുന്ന ആഘോഷം കൂടിയാണ് ദീപാവലി. പടക്കം പൊട്ടിച്ചും വിശിഷ്ടമായ ഭക്ഷണ പദാര്‍ത്ഥങ്ങള്‍ ഒരുക്കിയും വിശ്വാസികള്‍ ദീപാവലി ആഘോഷത്തിനു പൊലിമ പകരുന്നു. നിരവധി ഐതീഹ്യങ്ങളാണ് ദീപാവലിയുമായി ബന്ധപ്പെട്ടുള്ളത്. എല്ലാ കഥകളിലും നന്മ അന്തിമ വിജയം നേടുന്നുവെന്നത് ശ്രദ്ധേയമാണ്.


ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
അസ്‌ന തുള്ളിച്ചാടി നടക്കുമ്പോഴും അബ്ദുല്ലയുടെ മനസ്സില്‍ കനലെരിയുന്നു, ഭാര്യയെ ചികിത്സിക്കാന്‍ ആരു സഹായിക്കും?

Keywords: Indians light up the night for Diwali, kasaragod, Kerala, Deepavali, Temple fest

Advertisement:
7:22 pm | 0 comments

കുബണൂരില്‍ കൊള്ള സംഘത്തെ കുടുക്കിയ നാട്ടുകാരെ പോലീസ് അനുമോദിക്കുന്നു

കാസര്‍കോട്:(www.kasargodvartha.com 22.10.2014) ഉപ്പള കുബണൂരില്‍ അഞ്ചംഗ കൊള്ള സംഘത്തെ പിടികൂടാന്‍ പോലീസിനെ സഹായിച്ച നാട്ടുകാരെ പോലീസ് സേന അഭിനന്ദിക്കുന്നു. പത്തോളം പേര്‍ക്ക് പാരിതോഷികം നല്‍കാന്‍ ആലോചിച്ചുവരുന്നതായും ജില്ലാ പോലീസ് മേധാവി തോംസണ്‍ ജോസ് പറഞ്ഞു.

കുറ്റകൃത്യങ്ങള്‍ ഇല്ലാതാക്കാനും കുറ്റകൃത്യങ്ങളില്‍ ഏര്‍പെടുന്നവരെ നിയമത്തിന്റെ മുന്നില്‍ കൊണ്ടുവരുന്നതിനും പോലീസ് സേനയ്ക്ക് നാട്ടുകാരുടെ സഹായസഹകരണങ്ങള്‍ അനിവാര്യമാണ്. നാട്ടുകാരുടെ ജാഗ്രതയാണ് കുബണൂരില്‍ അഞ്ചംഗ കവര്‍ച്ചാസംഘത്തെ അറസ്റ്റു ചെയ്യാന്‍ പോലീസിനു സഹായകമായത്. ഇത് മറ്റുള്ളവര്‍ക്കും പ്രചോദനമാകണം.
അഭിനന്ദനകാര്യം കാസര്‍കോട് ഡി.വൈ.എസ്.പി. ടി.പി. രഞ്ജിത്തുമായി ചര്‍ച്ച ചെയ്തതായും അടുത്തു തന്നെ അക്കാര്യത്തില്‍ അന്തിമ തീരുമാനമാകുമെന്നും എസ്.പി. പറഞ്ഞു.

Kasaragod, Police, Accuse, Uppala, Kerala, Robbery, DYSP, Natives, Appreciate, Kubanoor, Police appreciate the courage of Kubanoor natives

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:
അസ്‌ന തുള്ളിച്ചാടി നടക്കുമ്പോഴും അബ്ദുല്ലയുടെ മനസ്സില്‍ കനലെരിയുന്നു, ഭാര്യയെ ചികിത്സിക്കാന്‍ ആരു സഹായിക്കും?

Keywords:  Kasaragod, Police, Accuse, Uppala, Kerala, Robbery, DYSP, Natives, Appreciate, Kubanoor, Police appreciate the courage of Kubanoor natives

Advertisement:
6:41 pm | 0 comments

ഒളിച്ചോടിയ പെണ്‍കുട്ടിയെ കണ്ടെത്താന്‍ പോലീസ് സൈബര്‍ സെല്ലിന്റെ സഹായം തേടി

കാഞ്ഞങ്ങാട്: (www.kasargodvartha.com 22.10.2014) വാട്ട്‌സ് ആപ്പ് ചാറ്റിംഗിലൂടെ പരിചയപ്പെട്ട് പ്രണയത്തിലായ യുവാവിനൊപ്പം വിവാഹത്തിന് മൂന്ന് ദിവസം മുമ്പ് ഒളിച്ചോടിയ പെണ്‍കുട്ടിയെ കണ്ടെത്താന്‍ പോലീസ് സൈബര്‍ സെല്ലിന്റെ സഹായം തേടി. ചന്തേര പോലീസ് സ്‌റ്റേഷനടുത്ത തസ്ലീമ (18) യാണ് ഇക്കഴിഞ്ഞ 19 മുതല്‍ കാണാതായത്.

മൂന്ന് ദിവസമായിട്ടും തസ്ലീമയെ കുറിച്ച് യാതൊരു വിവരവും ലഭിക്കാത്തതിന്റെ അടിസ്ഥാനത്തിലാണ് പോലീസ് സൈബര്‍ സെല്ലിന്റെ സഹായം തേടിയത്. വാട്ട്‌സ് ആപ്പ് ചാറ്റിംഗിലൂടെ പ്രണയത്തിലായ തസ്ലീമ യുവാവിനൊപ്പം ഒളിച്ചോടിയത്.

പെണ്‍കുട്ടിയുടെ സഹോദരന്റെ പരാതിയില്‍ ചന്തേര പോലീസാണ് കേസെടുത്ത് അന്വേഷണം ആരംഭിച്ചത്. പോലീസ് അന്വേഷണം ഇപ്പോള്‍ മംഗലാപുരത്തേക്ക് വ്യാപിപ്പിച്ചിട്ടുണ്ട്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Kanhangad, Kerala, Police, Investigation, Missing, Girl, Kasaragod, Thasleema, WhatsApp
Keywords: Kanhangad, Kerala, Police, Investigation, Missing, Girl, Kasaragod, Thasleema, WhatsApp. 

6:30 pm | 0 comments

ചികിത്സയിലായിരുന്ന യുവാവ് പനി മൂര്‍ഛിച്ച് മരിച്ചു

ബദിയടുക്ക: (www.kasargodvartha.com 22.10.2014) പനി ബാധിച്ച് ചികിത്സയിലായിരുന്ന യുവാവ് അസുഖം മൂര്‍ഛിച്ച് മരിച്ചു. ബദിയടുക്ക നീര്‍ച്ചാല്‍ മാന്യയിലെ രാധാകൃഷ്ണനാണ് (45) മരിച്ചത്.

മൂന്ന് ദിവസം മുമ്പ് പനിബാധിച്ച് നീര്‍ച്ചാലിലെ ക്ലിനിക്കില്‍ ചികിത്സയിലായിരുന്ന രാധാകൃഷ്ണനെ അസുഖം മൂര്‍ഛിച്ചതിനാല്‍ ബുധനാഴ്ച ഉച്ചയോടെ കാസര്‍കോട്ടെ ആശുപത്രിയിലേക്ക് കൊണ്ടുവരുന്നതിനിടയില്‍ മരണപ്പെടുകയായിരുന്നു. ഭാര്യ: ബേബി. നേഹ ഏകമകളാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
Badiyadukka, Obituary, Fever, Kasaragod, Kerala, Treatment, Neerchal Manya Radhakrishnan passes away

4:39 pm | 0 comments

കാസര്‍കോട്ട് സൗജന്യ ഡയാലിസിസ് പദ്ധതിയുമായി കെ.എം.സി.സി

ദുബൈ: (www.kasargodvartha.com 22.10.2014) ആതുര സേവന രംഗത്ത് പുതുചരിത്രം കുറിക്കുകയാണ് ദുബൈ കെ.എം.സി.സി കാസര്‍കോട് മണ്ഡലം കമ്മിറ്റി. അശരണര്‍ക്ക് ഒരു കൈത്താങ്ങ് എന്ന ലക്ഷ്യം മുന്‍നിര്‍ത്തി നിര്‍ധനരും നിരാലംബരുമായ വൃക്ക രോഗികള്‍ക്ക് സൗജന്യ ഡയാലിസിസ് പദ്ധതിയാണ് കെ.എം.സി.സി നടപ്പിലാക്കുന്നത്. സ്‌നേഹ സാന്ത്വനം എന്നപേരിലുള്ള പദ്ധതി നവംബറോടെ നടപ്പില്‍ വരുത്താനാണ് ഉദ്ദേശിക്കുന്നത്.

ദുബൈ കെ.എം.സി.സി കാസര്‍കോട് മണ്ഡലം കമ്മിറ്റി പ്രസിഡണ്ട് മഹ്മൂദ് കുളങ്ങര, ജനറല്‍ സെക്രട്ടറി സലാം കന്യപ്പാടി, ട്രഷറര്‍ ഫൈസല്‍ പട്ടേല്‍ എന്നിവരാണ് ഇക്കാര്യം അറിയിച്ചത്. പാണക്കാട് സയ്യിദ് മുഹമ്മദലി ശിഹാബ് തങ്ങളുടെ നാമധേയത്തില്‍ കാസര്‍കോട് ജനറല്‍ ആശുപത്രിയിലാണ് ഡയാലിസിസ് യൂണിറ്റ് സ്ഥാപിക്കുന്നത്.

സ്‌നേഹ സാന്ത്വന പദ്ധതി നടപ്പില്‍ വരുത്തുന്നതിന് വേണ്ടി മണ്ഡലം സെക്രട്ടറി പി.ടി നൂറുദ്ദീന്‍ ആറാട്ടുകടവിനെ ചുമതലപ്പെടുത്തി. ഈ പദ്ധതിയുമായി സഹകരിക്കാന്‍ താല്‍പര്യമുള്ളവര്‍ മണ്ഡലം കമ്മിറ്റി ഭാരവാഹികളായ ഗഫൂര്‍ എരിയാല്‍, ഷരീഫ് പൈക്ക, സലീം ചേരങ്കൈ, സുബൈര്‍ മൊഗ്രാല്‍ പുത്തൂര്‍, ഇ.ബി അഹമ്മദ്, റഹീം ചെങ്കള, സത്താര്‍ ആലംപാടി എന്നിവരുമായി ബന്ധപ്പെടണമെന്ന് ഭാരവാഹികള്‍ അറിയിച്ചു. മണ്ഡലം മുസ്ലിം ലീഗ് കമ്മിറ്റിയുടെ സഹകരണത്തോടെ നടപ്പിലാക്കുന്ന ഈ പദ്ധതി ജാതിമത ഭേദമന്യേയുള്ള നിര്‍ധനരും നിരാലംബരുമായ വൃക്ക രോഗികള്‍ക്ക് ഏറെ ഉപകാരപ്രദമാകും.

മണ്ഡലത്തിലെ തൊഴില്‍ രഹിതരായ എട്ട് യുവാക്കള്‍ക്ക് സൗജന്യമായി ഓട്ടോ റിക്ഷകള്‍ നല്‍കിയും നിര്‍ധനരായ യുവതികള്‍ക്ക് 100 തയ്യല്‍ മെഷീന്‍ നല്‍കിയും ദുബൈ കെ.എം.സി.സി കാസര്‍കോട് മണ്ഡലം കമ്മിറ്റി മാതൃകയായിരുന്നു. വീടില്ലാത്ത പാവങ്ങള്‍ക്ക് സൗജന്യമായി വീട് നിര്‍മിച്ചു നല്‍കുന്ന ബൈത്തു റഹ്മ പദ്ധതി വിജയകരമായി മുന്നേറുന്നതിനിടയിലാണ് വൃക്ക രോഗികള്‍ക്ക് ആശ്വാസം പകരുന്ന സ്‌നേഹ സാന്ത്വനം പദ്ധതി ആവിഷ്‌കരിച്ചത്.

കെ.എം.സി.സിയുടെ സഹായഹസ്തം പാവപ്പെട്ട രോഗികളിലേക്ക് കൂടി നീളുന്നതോടെ അത് നിരാലംബരായ അനവധി പേര്‍ക്ക് ജീവിതത്തിലേക്കുള്ള പ്രതീക്ഷ നല്‍കും. നിലവില്‍ പാവപ്പെട്ട രോഗികള്‍ക്ക് ഭാരിച്ച ചെലവില്‍ മംഗലാപുരത്തെയും കാസര്‍കോട്ടെ ചില സ്വകാര്യ ആശുപത്രികളെയും ആശ്രയിക്കേണ്ട സ്ഥിതിയാണ്. ചില സ്ഥലങ്ങളില്‍ ഇടയ്ക്കിടെ സേവനം തകരാറിലാകുന്ന സ്ഥിതിയും ഉണ്ട്. പ്രവാസികളുടെ കൂട്ടായ്മ ഈ രംഗത്തേക്ക് കൂടി കടന്നുവരുന്നതോടെ അത് നിരവധി പേരുടെ പ്രതീക്ഷകള്‍ക്ക് തിരിതെളിക്കും.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Dubai, Kasaragod, Hospital, Kerala, Gulf, KMCC, Health-project, Committee, Dialysis, Aid for Poor

Keywords: Dubai, Kasaragod, Hospital, Kerala, Gulf, KMCC, Health-project, Committee, Dialysis, Aid for Poor, Kasargod Madalam, Baithu Rahma. 

Advertisement:
4:34 pm | 0 comments

കിണറ്റില്‍ വീണ പന്തെടുക്കാന്‍ ശ്രമിക്കുമ്പോള്‍ 7 വയസുകാരന് കിണറ്റില്‍ വീണ് ഗുരുതരം

വിദ്യാനഗര്‍: (www.kasargodvartha.com 22.10.2014) കളിച്ചുകൊണ്ടിരിക്കെ ആള്‍മറയില്ലാത്ത കിണറ്റില്‍ വീണ പന്തെടുക്കാന്‍ ശ്രമിക്കുമ്പോള്‍ കിണറ്റില്‍ വീണ് ഏഴു വയസുകാരന് ഗുരുതരമായി പരിക്കേറ്റു. നായന്മാറമൂല പെരുമ്പളക്കടവ് റോഡിലെ അഹ്മദ് കുഞ്ഞിയുടെ ഏഴ് വയസുള്ള മകനാണ് പരിക്കേറ്റത്. ബുധനാഴ്ച രാവിലെ 10.30 മണിയോടെയാണ് സംഭവം.

കാട് മൂടിക്കിടന്ന കിണറ്റില്‍വീണ പന്തെടുക്കാന്‍ ശ്രമിക്കുന്നതിനിടെ കുട്ടി അബദ്ധത്തില്‍ കിണറ്റില്‍ വീഴുകയായിരുന്നു. മറ്റു കുട്ടികളുടെ നിലവിളികേട്ട് ഓടിക്കൂടിയ നാട്ടുകാര്‍ ഉടന്‍തന്നെ പുറത്തെടുത്ത് ആദ്യം ചെങ്കള നായനാര്‍ ആശുപത്രിയിലും പിന്നീട് കാസര്‍കോട് കെയര്‍വല്‍ ആശുപത്രിയിലും കൊണ്ടുപോയ ശേഷം മംഗലാപുരം യൂനിറ്റി ആശുപത്രിയിലേക്ക് മാറ്റുകയായിരുന്നു.
Well, Child, Play, Hospital, Injured, Vidya Nagar, Kasaragod, Kerala.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

3:23 pm | 0 comments

ബോവിക്കാനത്തെ അപകട മരണത്തിന് ഇടയാക്കിയത് വാട്ടര്‍ അതോറിറ്റിയുടെ കള്ളക്കുഴി

ബോവിക്കാനം: (www.kasargodvartha.com 22.10.2014) ബൈക്കുകള്‍ കൂട്ടിയിടിച്ച് നിയന്ത്രണം വിട്ട് ആള്‍കൂട്ടത്തിലേക്ക് പാഞ്ഞുകയറി ഒരാള്‍ മരിക്കുകയും വിദ്യാര്‍ത്ഥിക്ക് ഗുരുതരമായി പരിക്കേല്‍ക്കുകയും ചെയ്ത അപകടത്തിന് കാരണം വാട്ടര്‍ അതോറിറ്റിയുടെ കള്ളക്കുഴിയാണെന്ന് പരാതി ഉയര്‍ന്നു.

അപകടത്തില്‍ നെക്രംപാടിയിലെ കുഞ്ഞമ്പു നായറാണ് (54) മരണപ്പെട്ടത്. പൈക്കയിലെ മിന്‍ഹാജിനാണ് (19) ഗുരുതരമായി പരിക്കേറ്റത്. മിന്‍ഹാജ് ഗുരുതരാവസ്ഥയില്‍ മംഗലാപുരം ആശുപത്രിയില്‍ ചികിത്സയിലാണ്. ചൊവ്വാഴ്ച രാത്രി എട്ട് മണിയോടെ ബോവിക്കാനം ടൗണിന് സമീപമാണ് അപകടമുണ്ടായത്. 

കുടിവെള്ള വിതരണത്തിന് വേണ്ടി വാട്ടര്‍ അതോറിറ്റി റോഡ് കിളച്ച് മൂടിയസ്ഥലത്ത് വലിയ കുഴി രൂപപ്പെട്ടതാണ് അപകടത്തിന് കാരണമായത്. രാത്രിയില്‍ വാഹനയാത്രക്കാര്‍ക്ക് പെട്ടന്ന് ഈ കുഴി കാണാന്‍ സാധിക്കുന്നില്ലെന്ന് നേരത്തെതന്നെ പരാതി നിലനില്‍ക്കുന്നുണ്ട്. മുള്ളേരിയ ഭാഗത്തുനിന്നും വന്ന നാല് ബൈക്കുകളില്‍ മുന്നിലുള്ള ബൈക്ക് കുഴിയില്‍ വീണ് നിയന്ത്രണംവിട്ടപ്പോള്‍ പിന്നില്‍വന്ന ബൈക്കുകള്‍ കൂട്ടിയിടിച്ച് ഇതില്‍ ഒരു ബൈക്ക് ആള്‍കൂട്ടത്തിലേക്ക് പാഞ്ഞുകയറുകയായിരുന്നു. 

ബസ് കാത്തുനില്‍ക്കുകയായിരുന്ന കുഞ്ഞമ്പു നായര്‍ ബൈക്കിടിച്ച് മരണപ്പെടുകയായിരുന്നു. ബസ് കാത്തുനില്‍ക്കുകയായിരുന്ന വിദ്യാര്‍ത്ഥിക്കും ഗുരുതരമായി പരിക്കേറ്റു. ബൈക്കുകള്‍ അമിതവേഗതയില്‍ വന്നതുമൂലമാണ് അപകടം സംഭവിച്ചതെന്നാണ് ആദ്യം പ്രചരണം ഉണ്ടായിരുന്നതെങ്കിലും ഇത് ശരിയല്ലെന്നാണ് പോലീസ് സൂചിപ്പിക്കുന്നത്. പൈപ്പിടാന്‍വേണ്ടി റോഡിലുണ്ടാക്കിയ കുഴിയില്‍ ബൈക്ക് വീണപ്പോഴാണ് അപകടം സംഭവിച്ചത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.
3:23 pm | 0 comments

തൃക്കരിപ്പൂര്‍ വടക്കുമ്പാട്ടെ എന്‍. ഇസ്മാഈല്‍ നിര്യാതനായി

തൃക്കരിപ്പൂര്‍: (www.kasargodvartha.com 22.10.2014) വടക്കുമ്പാട് ജുമാമസ്ജിദ് പരിസരത്തെ എന്‍. ഇസ്മാഈല്‍ (39) നിര്യാതനായി. ടി.ടി മുഹമ്മദ് കുഞ്ഞി - എം. മിസ്‌രിയ ദമ്പതികളുടെ മകനാണ്.

ഭാര്യ: റസീന (തളിപ്പറമ്പ് ). മകള്‍: ഹൈഷ. സഹോദരങ്ങള്‍: ഹമീദ്, അബൂബക്കര്‍, ഷൗക്കത്തലി, ഖാദര്‍ (എല്ലാവരും ദുബൈ), അഷ്‌റഫ് (ഇലക്ട്രീഷ്യന്‍) മുത്തലിബ് (ഡ്രൈവര്‍) നാസര്‍ നങ്ങാരത്ത് (എസ്.യു ജില്ല പ്രസിഡണ്ട്), ആഇശാബി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Trikaripur, Obituary, Kasaragod, Kerala, N. Ismail. 

3:00 pm | 0 comments

for MORE News select date here

KVARTHA: LATEST NEWS

Obituary

Read More Obituary News

Mangalore

Read More Mangalore News

കൂടുതൽ വായിച്ചത് | Most Read Stories