യുവതികളെ ഉപയോഗിച്ച് വശീകരിച്ച് പണം തട്ടുന്ന സംഘത്തിലെ ഒരു പ്രതി കൂടി അറസ്റ്റില്‍

By Desk AlphaApr 2, 2013, 12:06 IST

കാസര്‍കോട്: നീലേശ്വരത്തെ ബേക്കറി ഉടമയേയും സുഹൃത്തിനേയും മൊബൈല്‍ ഫോണില്‍ വിളിച്ചു വരുത്തി വശീകരിച്ച് കൊണ്ടുപോയി ബ്ലാക്ക്‌മെയിലിംഗ് നടത്തി പണവും, മൊബൈല്‍ഫോണും, കാറും തട്ടിയെടുത്ത കേസില്‍ ഒരു പ്രതി കൂടി അറസ്റ്റിലായി. മുട്ടത്തൊടി ഇസ്സത് നഗറിലെ ഷൈന്‍ കുമാര്‍ എന്ന ഷാനവാസിനെ (21) യാണ് കാസര്‍കോട് സി.ഐ സി.കെ സുനില്‍കുമാര്‍ അറസ്റ്റ് ചെയ്തത്. ഷാനവാസ് മൂന്ന് വര്‍ഗീയ സംഘര്‍ഷ കേസിലെ പ്രതിയാണെന്ന് പോലീസ് പറഞ്ഞു. കഴിഞ്ഞ ദിവസം ഹിദായത്ത് നഗര്‍ ഫത്താഹ് നഗറിലെ റഹീം എന്ന അബ്ദുര്‍ റഹ്മാനെ (30) യും ഈ കേസില്‍ സി.ഐ അറസ്റ്റ് ചെയ്തിരുന്നു.

2012 മാര്‍ച് ഒന്നിനാണ് നീലേശ്വരം തൈക്കടപ്പുറം സ്വദേശിയായ സി.എച്ച്. ശംസുദ്ദീനെയും സുഹൃത്ത് ബി.പി.ശംസുദ്ദീനെയും രണ്ട് യുവതികള്‍ വശീകരിച്ച് കൊണ്ടു പോയി ഉളിയത്തടുക്കയിലെ ആളൊഴിഞ്ഞ സ്ഥലത്തു വെച്ച് ഭീഷണിപ്പെടുത്തി പണവും മൊബൈലും കാറും തട്ടിയെടുത്തത്.

യുവതികളെ ഉപയോഗിച്ച് വശീകരിച്ച് പണം തട്ടുന്ന സംഘത്തിലെ ഒരു പ്രതി കൂടി അറസ്റ്റില്‍

സംഘത്തിലെ രണ്ട് യുവതികളെ 2012 മാര്‍ച് ഏഴിന് കാസര്‍കോട് ടൗണ്‍ പോലീസ് അറസ്റ്റ് ചെയ്തിരുന്നു. കുഞ്ചത്തൂര്‍ ഉദ്യാവര്‍ മാടയിലെ ഖദീജ മന്‍സിലില്‍ സീനത്ത് ബാനു (28), ചട്ടഞ്ചാല്‍ കനിയംകുണ്ട് സ്വദേശിയും തച്ചങ്ങാട് സ്‌കൂളിന് സമീപം വാടക ക്വാട്ടേഴ്‌സില്‍ താമസക്കാരിയുമായ പി.കെ. ജസീല (31) എന്നിവരെ കാസര്‍കോട് സി.ഐ ആയിരുന്ന ബാബു പെരിങ്ങോത്ത് അറസ്റ്റ് ചെയ്തിരുന്നു. ഉളിയത്തടുക്ക എസ്.പി. നഗറില്‍ ഉപേക്ഷിച്ച നിലയില്‍ കാര്‍ പിന്നീട് കണ്ടെത്തിയിരുന്നു. ഈ കേസില്‍ ഏതാനും പേര്‍കൂടി ഇനി പിടിയിലാകാനുണ്ട്.

Related News: