'ഉപ്പയെ കൊലപ്പെടുത്തിയവരെ കണ്ടെത്തുമെന്ന് ഉറപ്പുണ്ടായിരുന്നു'

By Desk DeltaAug 14, 2013, 17:26 IST

ചെറുവത്തൂര്‍: ഉപ്പയെ കൊലപ്പെടുത്തിയവരെ പോലീസ് പിടികൂടി നിയമത്തിനു മുന്നില്‍ കൊണ്ടുവരുമെന്ന് ഉറപ്പുണ്ടായിരുന്നതായി കൊല്ലപ്പെട്ട ഗള്‍ഫ് വ്യാപാരി തൃക്കരിപ്പൂര്‍ വെള്ളാപ്പിലെ എ.ബി. അബ്ദുല്‍ സലാം ഹാജിയുടെ മകന്‍ സുഫിയാന്‍. ഒരു ഉറുമ്പിനെ പോലും ദ്രോഹിക്കാന്‍ ഇഷ്ടമില്ലാത്ത പ്രകൃതമായിരുന്നു ഉപ്പയുടേത്. പാവപ്പെട്ടവര്‍ക്ക് ഇഷ്ടം പോലെ ദാനം കൊടുക്കുകയും ചെയ്യും. അങ്ങനെയുള്ള ഞങ്ങളുടെ പിതാവിനെ കൊന്നവരോട് ദൈവം ഒരിക്കലും പൊറുക്കില്ല.

'ഉപ്പയെ കൊലപ്പെടുത്തിയവരെ കണ്ടെത്തുമെന്ന് ഉറപ്പുണ്ടായിരുന്നു'

സുഫിയാന്‍

കൊല്ലപ്പെട്ട ഗള്‍ഫ് വ്യാപാരി തൃക്കരിപ്പൂര്‍ വെള്ളാപ്പിലെ എ.ബി. അബ്ദുല്‍ സലാം ഹാജിയുടെ മക്കളായ ഷുഹൈബിന്റെയും സൂഫിയാന്റെയും വാക്കുകളാണിത്. രണ്ടു പ്രതികള്‍ അറസ്റ്റിലായ വിവരമറിഞ്ഞ് വീട്ടിലെത്തിയവരോട് സംസാരിക്കുകയായിരുന്നു ഇവര്‍. സംഭവത്തെ കുറിച്ചോര്‍ക്കുമ്പോള്‍ ഇപ്പോഴും മനസില്‍ ഭീതി നിഴലിക്കുന്നു.

അറസ്റ്റിലായ പ്രതികള്‍ ബന്ധുക്കളാണെന്ന് പറയുന്നുണ്ടെങ്കിലും ഇവര്‍ക്ക് അവരെ കുറിച്ച് ഒരറിവും ഇല്ല. ഗള്‍ഫില്‍ ജനിക്കുകയും അവിടെ തന്നെ വിദ്യാഭ്യാസം പൂര്‍ത്തിയാക്കുകയും ചെയ്ത ഇവര്‍ മൂന്നു വര്‍ഷം മുമ്പാണ് വെള്ളാപ്പില്‍ പുതിയ വീടുവെച്ച് താമസം തുടങ്ങിയത്. അതുകൊണ്ടുതന്നെ ഉപ്പയുടെ അകന്ന ബന്ധുക്കളെയൊന്നും ഇവര്‍ക്ക് അറിയില്ല. പ്രതികളില്‍ ഒരാളായ റമീസ് സലാം ഹാജിയുടെ മൂത്തുമ്മയുടെ കൊച്ചുമകളുടെ ഭര്‍ത്താവിന്റെ മരുമകനാണ്.

ഗള്‍ഫ് വ്യാപാരിയുടെ വധം: കൊലയാളി സംഘമെത്തിയത് തൃശൂരില്‍ നിന്ന്

വിവാഹം ക്ഷണിക്കാനെത്തിയവര്‍ മടങ്ങിയെത്തിയത് കൊലയാളികളായി