മുരളി വധം: തിരിച്ചറിയല്‍ പരേഡ് ചൊവ്വാഴ്ച

കാസര്‍കോട്: (www.kasargodvartha.com 02.11.2014) സി.പി.എം. പ്രവര്‍ത്തകന്‍ കുമ്പള ശാന്തിപ്പള്ളത്തെ പി. മുരളിയെ(37) കുത്തിക്കൊലപ്പെടുത്തിയ കേസില്‍ പ്രതികളുടെ തിരിച്ചറിയല്‍ പരേഡ് ചൊവ്വാഴ്ച നടക്കും. നേരത്തെ അറസ്റ്റിലായ മൂന്നും നാലും പ്രതികളായ കുതിരപ്പാടിയിലെ കെ. ഭരത് രാജ് (24), ദര്‍മ്മത്തടുക്കയിലെ സി.എച്ച്. മിഥുന്‍ കുമാര്‍(20) എന്നിവരെ ചൊവ്വാഴ്ച കാസര്‍കോട് സബ് ജയിലില്‍ വെച്ചാണ് തിരിച്ചറിയല്‍ പരേഡിന് വിധേയമാക്കുക.

മജിസട്രേറ്റിന്റെ സാന്നിധ്യത്തിലാണ് പരേഡ് നടത്തുക. കൊല്ലപ്പെട്ട മുരളിയുടെ സുഹൃത്തും ബൈക്കില്‍ ഒപ്പമുണ്ടായിരുന്ന ദൃക്‌സാക്ഷിയുമായ മഞ്ജുനാഥും ഇപ്പോള്‍ കസ്റ്റഡിയിലുള്ള കാര്‍ ഡ്രൈവര്‍ ഗണേഷുമാണ് പ്രതികളെ തിരിച്ചറിയാന്‍ എത്തുകയെന്നാണ് വിവരം.