ചെങ്കള നാലാം മൈലില്‍ ദേശീയപാതയില്‍ പാതാള കുഴി; നാട്ടുകാര്‍ റോഡ് ഉപരോധിച്ചു

നായന്മാര്‍മൂല: (www.kasargodvartha.com 04.10.2014) ചെങ്കള നാലാം മൈലില്‍ ദേശീയപാതയില്‍ പാതാള കുഴി അടയ്ക്കണമെന്നാവശ്യപ്പെട്ട് നാട്ടുകാര്‍ റോഡ് ഉപരോധിച്ചു. ദേശീയ പാതയിലെ കുഴിയടക്കുന്നതില്‍ വ്യാപകമായ തട്ടിപ്പ് നടക്കുന്നതായി ആരോപിച്ച് കഴിഞ്ഞദിവസം നാട്ടുകാര്‍ റോഡിലെ കുഴിടക്കുന്നത് തടഞ്ഞിരുന്നു. ക്വാറികയില്‍നിന്നും വേസ്റ്റായി പുറന്തള്ളുന്ന കല്ല് ഉപയോഗിച്ച് ടാറിംഗ് നടത്തിയതിനാലാണ് നാട്ടുകാര്‍ റോഡ്പണി തടഞ്ഞത്.

ഇതില്‍ പ്രകോപിതനായ കരാറുകാരന്‍ ജോലിതന്നെ ഉപേക്ഷിച്ച് പോയതിനെ തുടര്‍ന്നാണ് യൂത്ത് യൂത്ത് ലീഗിന്റെ നേതൃത്വത്തിലാണ് നാട്ടുകാര്‍ ശനിയാഴ്ച രാവിലെ ദേശീയപാത ഉപരോധിച്ചത്. വലിയ കുഴിയില്‍വീണ് നിരവധി അപകടങ്ങള്‍ സംഭവിച്ചതായി നാട്ടുകാര്‍ പറഞ്ഞു. വലിയകുഴി രൂപപ്പെട്ടതിനാല്‍ ഇവിടെ ഗതാഗതകുരുക്കും രൂപപ്പെട്ടിരുന്നു. ജനങ്ങളുടെ കണ്ണില്‍ പൊടിയിടാന്‍വേണ്ടി വേസ്റ്റ് കല്ലുപയോഗിച്ച് കുഴിയടക്കുന്നത് പൊതുമരാമത്ത് അധികൃതരുടെ ഒത്താശയോടെയാണെന്നാണ് പരാതി.

റോഡ്പണി നാട്ടുകാര്‍ തടഞ്ഞെങ്കിലും ഇതേകുറിച്ച് അന്വേഷിക്കാന്‍പോലും പൊതുമരാമത്ത് എഞ്ചിനിയറോ മറ്റു ഉദ്യോഗസ്ഥരോ എത്തിയില്ലെന്ന് നാട്ടുകാര്‍ പരാതിപ്പെട്ടു.