അമേരിക്കന്‍ യുദ്ധവിമാനം തകര്‍ന്ന് പൈലറ്റ് മരിച്ചു; മൂന്നു ദിവസത്തിനിടെ അപകടത്തില്‍ പെട്ടത് മൂന്ന് അമേരിക്കന്‍ യുദ്ധവിമാനങ്ങള്‍

By Desk EpsilonApr 5, 2018, 16:33 IST

ലാസ് വെഗാസ്: (www.kasargodvartha.com 05.04.2018) പരീക്ഷണപ്പറക്കലിനിടെ യുദ്ധവിമാനം തകര്‍ന്ന് പൈലറ്റ് മരിച്ചു. അമേരിക്കന്‍ വ്യോമസേനയുടെ വിമാനം തകര്‍ന്നാണ് പൈലറ്റ് മരണപ്പെട്ടത്. എഫ്-16 വിമാനമാണ് ലാസ് വെഗാസിനു സമീപം തകര്‍ന്നത്. നെവാഡയില്‍ പതിവ് പരീക്ഷപ്പറക്കലിനിടെയാണ് സംഭവം. മൂന്നു ദിവസത്തിനിടെ അമേരിക്കന്‍ വ്യോമസേനയുടെ മൂന്നു വിമാനങ്ങളാണ് അപകടത്തില്‍പ്പെട്ടത്.

അപകടത്തിന്റെ കാരണം അവ്യക്തമാണെന്നും സംഭവത്തില്‍ സമഗ്രമായ അന്വേഷണം ആരംഭിച്ചതായും അധികൃതര്‍ അറിയിച്ചു.