വിവാഹം വേർപിരിക്കുമെന്ന് ഭയന്നു; ഒരാളെത്തന്നെ കല്യാണം കഴിച്ച് ഇൻഫ്ലുവൻസർമാരായ 3 യുവതികൾ; കുരുക്കായി നിയമം

അംറോഹ: (KasargodVartha) പരസ്പരം പിരിഞ്ഞിരിക്കാൻ വയ്യാത്തതിൻ്റെ പേരിൽ ഒരേ യുവാവിനെ വിവാഹം ചെയ്ത് മൂന്ന് യുവതികൾ. ഉത്തർപ്രദേശിലെ അംറോഹ ജില്ലയിലെ ദൗരിയ ഗ്രാമത്തിലാണ് സംഭവം നടന്നത്. സഹോദരിമാരായ സരോജ് (20), സാവിത്രി റാണി (19), ഇവരുടെ ബന്ധുവായ സന്തോഷ് ഖടകംശി (18) എന്നിവരാണ് തങ്ങളുടെ ക്യാമറാമാനായ വികാസ് ഖടകംശിയെ (20) വിവാഹം കഴിച്ചത്.

തീരുമാനത്തിന് പിന്നിലെ കാരണം

സോഷ്യൽ മീഡിയ ഇൻഫ്ലുവൻസർമാരാണ് മൂന്ന് യുവതികളും. ഇവരുടെ വീഡിയോകൾ പകർത്തിയിരുന്നത് വികാസാണ്. യുവതികളുടെ ഭർത്താവായി ഇടയ്ക്ക് ചില വീഡിയോകളിൽ വികാസ് അഭിനയിക്കുകയും ചെയ്തിരുന്നു. സഹോദരിമാർക്ക് വീട്ടിൽ വിവാഹം ആലോചിക്കാൻ തുടങ്ങിയതോടെ പിരിഞ്ഞു ജീവിക്കേണ്ടി വരുമല്ലോയെന്ന ഭയത്തെത്തുടർന്നാണ് ഒരാളെത്തന്നെ വിവാഹം കഴിക്കാൻ തീരുമാനിച്ചതെന്ന് സരോജ് വീഡിയോയിൽ പറയുന്നു.

'കുട്ടിക്കാലം മുതൽ ഞങ്ങൾ ഒന്നിച്ചാണ്. വേർപിരിഞ്ഞു ജീവിക്കുന്നതിനെക്കുറിച്ച് ചിന്തിക്കാൻ വയ്യ. വിവാഹം ഞങ്ങളെ വേർപിരിക്കുമെന്ന് മനസ്സിലായപ്പോൾ ജീവനൊടുക്കാൻ വരെ തീരുമാനിച്ചിരുന്നു. പിന്നീടാണ്, മരിക്കുന്നതിനു പകരം ഒരു പുരുഷനെ വിവാഹം ചെയ്ത് ജീവിക്കാമെന്ന് തീരുമാനിച്ചത്' എന്ന് സരോജ് പറഞ്ഞു. തങ്ങൾ പ്രായപൂർത്തിയായവർ ആണെന്നും സ്വന്തം തീരുമാനമെടുക്കാൻ കഴിയുമെന്നും യുവതി കൂട്ടിച്ചേർത്തു.

ക്ഷേത്രത്തിൽ വെച്ച് വിവാഹം

ചാമുണ്ഡ മാതാ ക്ഷേത്രത്തിൽ നടന്ന വിവാഹത്തിൻ്റെ വീഡിയോ സമൂഹ മാധ്യമങ്ങളിൽ പ്രചരിച്ചതോടെയാണ് സംഭവം പുറത്തായത്. മൂന്നു പേർക്കും വികാസ് സിന്ദൂരമണിയിക്കുന്നതിൻ്റെയും മറ്റ് വിവാഹച്ചടങ്ങുകളുടെയും ദൃശ്യങ്ങളാണ് പുറത്തുവന്നത്. യുവതികളുടെയും യുവാവിൻ്റെയും കുടുംബാംഗങ്ങൾ ആരും തന്നെ ചടങ്ങിൽ പങ്കെടുത്തിരുന്നില്ല. സഹോദരിമാരുടെ ആത്മബന്ധം നന്നായി അറിയുന്നതുകൊണ്ടാണ് വിവാഹത്തിന് സമ്മതിച്ചതെന്നാണ് വികാസ് പറയുന്നത്.

सरोज, सावित्री और संतोष... 3 बहनों ने एक ही लड़के से रचाई शादी! 💍😳

UP के अमरोहा जिले में तीन सगी बहनों की एक ही युवक से शादी का वीडियो सोशल मीडिया पर तेजी से वायरल हो रहा है। पहले इसे रील या प्रैंक बताया जा रहा था, लेकिन अब तीनों बहनें और उनका पति कैमरे के सामने आकर इसे पूरी… pic.twitter.com/Dux1wfqCS5

— Anamika Pal (@BindasWith) July 23, 2026

നിയമസാധുതയില്ല

അതേസമയം, ഈ വിവാഹം നിയമപരമായ ആശങ്കകൾക്കും വഴിവെച്ചിട്ടുണ്ട്. ഹിന്ദു വിവാഹനിയമ പ്രകാരം ഇത്തരം ബഹുഭാര്യാത്വ വിവാഹങ്ങൾക്ക് നിയമസാധുതയില്ലെന്ന് നിയമവിദഗ്ധർ ചൂണ്ടിക്കാട്ടുന്നു.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Three influencer women in UP married their cameraman fearing separation.

#Amroha #UttarPradesh #ViralNewsMalayalam #BizarreNews #NationalNewsMalayalam #SocialMediaInfluencers #RenuNews