മാര്‍കിസ്റ്റ് ഭരണത്തില്‍ ജനങ്ങള്‍ നിരാശരെന്ന് വി മുരളീധരന്‍ എം പി

കാസര്‍കോട്: (www.kasargodvartha.com 09.04.2018) കേരളത്തിലെ ഇടത് ഭരണത്തില്‍ ജനങ്ങള്‍ നിരാശരായിരിക്കുകയാണെന്ന് രാജ്യസഭാംഗം വി മുരളീധരന്‍ എം പി പറഞ്ഞു. ബി ജെ പി ജില്ലാ കമ്മറ്റി സംഘടിപ്പിച്ച തെരഞ്ഞെടുക്കപ്പെട്ട ജനപ്രതിനിധികളുടെ യോഗം ഉദ്ഘാടനം ചെയ്യുകയായിരുന്നു അദ്ദേഹം.

മോദി സര്‍ക്കാര്‍ നടപ്പിലാക്കുന്ന ജനക്ഷേമ പദ്ധതികളാണ് പേര് മാറ്റി കേരളത്തില്‍ പിണറായി സര്‍ക്കാര്‍ നടപ്പിലാക്കുന്നതെന്ന് ജനങ്ങള്‍ തിരിച്ചറിഞ്ഞ് കഴിഞ്ഞിരിക്കുകയാണ്. സ്വന്തമായി പദ്ധതികള്‍ ആവിഷ്‌കരിച്ച് നടപ്പിലാക്കുന്നതില്‍ കേരളത്തിലെ ഇടത് സര്‍ക്കാര്‍ പരാജയപ്പെട്ടിരിക്കുകയാണ്. ജനക്ഷേമ പദ്ധതികളുടെ ഗുണഫലങ്ങള്‍ താഴെത്തട്ടിലെത്തിക്കാന്‍ ജനപ്രതിനിധികള്‍ പരിശ്രമിക്കണം. പദ്ധതികള്‍ നടപ്പിലാക്കുമ്പോള്‍ അതിന്റെ യഥാര്‍ത്ഥ വസ്തുതകള്‍ ജനങ്ങളെ ബോധ്യപ്പെടുത്താന്‍ ജനപ്രതിനിധികള്‍ക്ക് കഴിയണമെന്ന് അദ്ദേഹം പറഞ്ഞു.