ബിജെപി പ്രവര്‍ത്തകന്റെ വീട് തകര്‍ത്ത കേസ് സര്‍ക്കാര്‍ എഴുതിതള്ളുന്നു

കാഞ്ഞങ്ങാട്: (www.kasargodvartha.com 06.04.2018) സിപിഎം പ്രവര്‍ത്തകനായ കാലിച്ചാനടുക്കം നെരോത്ത് കാട്ടുമൂലയിലെ സി നാരായണന്റെ കൊലപാതകത്തോടനുബന്ധിച്ച് ബിജെപി പ്രവര്‍ത്തകന്റെ വീട് പൂര്‍ണ്ണമായും തകര്‍ത്ത കേസ് സര്‍ക്കാര്‍ എഴുതി തള്ളുന്നു. നാരായണനെ കൊലപ്പെടുത്തിയ കേസിലെ പ്രതി കായക്കുന്നിലെ എരളാല്‍ വിജയന്റെ വീട് അക്രമിച്ച കേസാണ് സര്‍ക്കാര്‍ എഴുതിതള്ളുന്നത്.

2015 ആഗസ്ത് 28ന് തിരുവോണ നാളില്‍ ഉച്ചയോടെയാണ് കായക്കുന്നിലെ ബസ്സ് വെയ്റ്റിംഗ് ഷെല്‍ട്ടറിനടുത്ത് വെച്ച് നാരായണന്‍ ഒരു സംഘം ബിജെപി പ്രവര്‍ത്തകരുടെ ആക്രമണത്തില്‍ കൊല ചെയ്യപ്പെട്ടത്. നാരായണന്റെ കൊലപാതകത്തില്‍ പ്രകോപിതരായ സിപിഎം പ്രവര്‍ത്തകരാണ് വിജയന്റെ വീട് പൂര്‍ണ്ണമായും അടിച്ചു തകര്‍ത്തത്. വിജയന്റെ വീടിനോടൊപ്പം കേസിലെ പ്രതികളായ ശ്രീനാഥ്, പുഷ്പന്‍ എന്നിവരുടെ വീടുകള്‍ക്ക് നേരെയും അന്ന് ആക്രമണമുണ്ടായിരുന്നു.