സംസ്ഥാനത്ത് 1298 പേര്ക്ക് കൂടി കോവിഡ്; കാസര്കോട്ട് 153 പേര്
Aug 6, 2020, 18:00 IST
തിരുവനന്തപുരം: (www.kasargodvartha.com 06.08.2020) സംസ്ഥാനത്ത് 1298 പേര്ക്ക് കൂടി കോവിഡ് സ്ഥിരീകരിച്ചു. ഇതില് 153 പേര് കാസര്കോട്ടാണ്. തിരുവനന്തപുരം ജില്ലയില് നിന്നുള്ള 219 പേര്ക്കും, കോഴിക്കോട് ജില്ലയില് നിന്നുള്ള 174 പേര്ക്കും, പാലക്കാട് ജില്ലയില് നിന്നുള്ള 136 പേര്ക്കും, മലപ്പുറം ജില്ലയില് നിന്നുള്ള 129 പേര്ക്കും, ആലപ്പുഴ ജില്ലയില് നിന്നുള്ള 99 പേര്ക്കും, തൃശൂര് ജില്ലയില് നിന്നുള്ള 74 പേര്ക്കും, എറണാകുളം ജില്ലയില് നിന്നുള്ള 73 പേര്ക്കും, ഇടുക്കി ജില്ലയില് നിന്നുള്ള 58 പേര്ക്കും, വയനാട് ജില്ലയില് നിന്നുള്ള 46 പേര്ക്കും, കോട്ടയം ജില്ലയില് നിന്നുള്ള 40 പേര്ക്കും, പത്തനംതിട്ട, കണ്ണൂര് ജില്ലകളില് നിന്നുള്ള 33 പേര്ക്ക് വീതവും, കൊല്ലം ജില്ലയില് നിന്നുള്ള 31 പേര്ക്കും രോഗം സ്ഥിരീകരിച്ചു.
ജൂലൈ 31ന് മരണമടഞ്ഞ മഞ്ചേശ്വരം സ്വദേശിനി ഖദീജ (51), ഓഗസ്റ്റ് 2ന് മരണമടഞ്ഞ ഉപ്പള സ്വദേശിനി ഷഹര്ബാനു (73), ഓഗസ്റ്റ് അഞ്ചിന് മരണമടഞ്ഞ തിരുവനന്തപുരം വിഴിഞ്ഞം സ്വദേശി സില്വ അടിമൈ (63) എന്നിവരുടെ പരിശോധനാഫലം കോവിഡ്-19 മൂലമാണെന്ന് എന്ഐവി ആലപ്പുഴ സ്ഥിരീകരിച്ചു. ഇതോടെ ആകെ മരണം 97 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.
വ്യാഴാഴ്ച രോഗം സ്ഥിരീകരിച്ചവരില് 78 പേര് വിദേശ രാജ്യങ്ങളില് നിന്നും 170 പേര് മറ്റ് സംസ്ഥാനങ്ങളില് നിന്നും വന്നതാണ്. 1017 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 76 പേരുടെ സമ്പര്ക്ക ഉറവിടം വ്യക്തമല്ല. തിരുവനന്തപുരം ജില്ലയിലെ 210 പേര്ക്കും, കാസര്കോട് ജില്ലയിലെ 139 പേര്ക്കും, കോഴിക്കോട് ജില്ലയിലെ 128 പേര്ക്കും, മലപ്പുറം ജില്ലയിലെ 109 പേര്ക്കും, ആലപ്പുഴ ജില്ലയിലെ 94 പേര്ക്കും, തൃശൂര് ജില്ലയിലെ 62 പേര്ക്കും, പാലക്കാട് ജില്ലയിലെ 61 പേര്ക്കും, എറണാകുളം ജില്ലയിലെ 54 പേര്ക്കും, വയനാട് ജില്ലയിലെ 44 പേര്ക്കും, കോട്ടയം ജില്ലയിലെ 36 പേര്ക്കും, കൊല്ലം, ഇടുക്കി, കണ്ണൂര് ജില്ലകളിലെ 23 പേര്ക്ക് വീതവും, പത്തനംതിട്ട ജില്ലയിലെ 11 പേര്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
29 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. കാസര്കോട് ജില്ലയിലെ 8, തിരുവനന്തപുരം ജില്ലയിലെ 7, കോഴിക്കോട് ജില്ലയിലെ 5, എറണാകുളം ജില്ലയിലെ 3, വയനാട് ജില്ലയിലെ 2, കൊല്ലം, പത്തനംതിട്ട, മലപ്പുറം, കണ്ണൂര് ജില്ലകളിലെ ഒന്നും വീതം ആരോഗ്യ പ്രവര്ത്തകര്ക്കാണ് രോഗം സ്ഥിരീകരിച്ചത്. തൃശൂര് ജില്ലയിലെ 3 കെ.എസ്.ഇ. ജീവനക്കാര്ക്കും, എറണാകുളം ജില്ലയിലെ ഒരു ഐഎന്എച്ച്എസ് ജീവനക്കാരനും രോഗം ബാധിച്ചു.
രോഗം സ്ഥിരീകരിച്ച് ചികിത്സയിലായിരുന്ന 800 പേരുടെ പരിശോധനാഫലം നെഗറ്റീവ് ആയി. എറണാകുളം ജില്ലയില് നിന്നുള്ള 146 പേരുടെയും, തിരുവനന്തപുരം ജില്ലയില് നിന്നുള്ള 137 പേരുടെയും, മലപ്പുറം ജില്ലയില് നിന്നുള്ള 114 പേരുടെയും, കാസര്കോട് ജില്ലയില് നിന്നുള്ള 61 പേരുടെയും, കോട്ടയം ജില്ലയില് നിന്നുള്ള 54 പേരുടെയും, കൊല്ലം ജില്ലയില് നിന്നുള്ള 49 പേരുടെയും, തൃശൂര് ജില്ലയില് നിന്നുള്ള 48 പേരുടെയും, പത്തനംതിട്ട ജില്ലയില് നിന്നുള്ള 46 പേരുടെയും, പാലക്കാട് ജില്ലയില് നിന്നുള്ള 41 പേരുടെയും, ആലപ്പുഴ ജില്ലയില് നിന്നുള്ള 30 പേരുടെയും, ഇടുക്കി, വയനാട് ജില്ലകളില് നിന്നുള്ള 20 പേരുടെ വീതവും, കണ്ണൂര് ജില്ലയില് നിന്നുള്ള 18 പേരുടെയും, കോഴിക്കോട് ജില്ലയില് നിന്നുള്ള 16 പേരുടെയും പരിശോധനാഫലം ആണ് നെഗറ്റീവ് ആയത്. ഇതോടെ 11,983 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 18,337 പേര് ഇതുവരെ കോവിഡില് നിന്നും മുക്തി നേടി.
Keywords: Kasaragod, Kerala, News, Trending, Covid 19 Result, Covid Kerala, Covid 19 Kerala Positive report
