2 കാറുകളും സ്‌കൂട്ടറും അപകടത്തില്‍പെട്ടു; ഫോട്ടോഗ്രാഫര്‍ മരിച്ചു

By Web Desk - MainAug 5, 2020, 17:07 IST

കാഞ്ഞങ്ങാട്: (www.kasargodvartha.com 05.08.2020) അമ്പലത്തറ ഗുരുപുരം മുട്ടിച്ചരലിനടുത്തുണ്ടായ കൂട്ടവാഹനാപകടത്തില്‍ സ്‌കൂട്ടര്‍ യാത്രക്കാരന്‍ മരണപ്പെട്ടു. കൊളത്തൂര്‍ സ്വദേശിയും കാസര്‍കോട് വാമന്‍സ് സ്റ്റുഡിയോ ഉടമയുമായ ഗോവിന്ദന്റെ മകന്‍ എ വരദരാജ് (30) ആണ് മരിച്ചത്. ബുധനാഴ്ച വൈകിട്ട് മൂന്നു മണിയോടെയാണ് അപകടമുണ്ടായത്.

2 കാറുകളും സ്‌കൂട്ടറും അപകടത്തില്‍പെട്ടു; ഫോട്ടോഗ്രാഫര്‍ മരിച്ചു

ഇന്നോവ കാറും ആള്‍ട്ടോ കാറും സ്‌കൂട്ടറുമാണ് അപകടത്തില്‍പെട്ടത്. വരദരാജ് ആണ് സ്‌കൂട്ടര്‍ ഓടിച്ചിരുന്നത്. മൃതദേഹം ജില്ലാ ആശുപത്രി മോര്‍ച്ചറിയിലേക്ക് മാറ്റി.

മാതാവ്: പുഷ്പവല്ലി. ഭാര്യ: ആതിര, മകന്‍: ദ്രുപദ്. സഹോദരങ്ങള്‍: വാമനന്‍ (ഫോട്ടോഗ്രാഫര്‍), വരുണ്‍ (ഗള്‍ഫ്).