പെരിയ ഇരട്ടക്കൊല: കോണ്‍ഗ്രസ് ഹര്‍ത്താല്‍ പൂര്‍ണം, കടകള്‍ തുറന്നില്ല, ബസുകള്‍ നിരത്തിലിറങ്ങിയില്ല, പോലീസ് ജാഗ്രതയില്‍

കാസര്‍കോട്: (www.kasargodvartha.com 18.02.2019) പെരിയ കല്യോട്ട് കോണ്‍ഗ്രസ് പ്രവര്‍ത്തകരായ കൃപേഷ്, ശരത്ത് എന്നിവരെ കൊലപ്പെടുത്തിയതില്‍ പ്രതിഷേധിച്ച് യൂത്ത് കോണ്‍ഗ്രസ് നടത്തിയ സംസ്ഥാന ഹര്‍ത്താല്‍ കാസര്‍കോട്ട് പൂര്‍ണം. കടകള്‍ തുറക്കുയോ ബസുകള്‍ നിരത്തിലിറങ്ങുകയോ ചെയ്തില്ല. ചിലയിടങ്ങളില്‍ അനിഷ്ട സംഭവങ്ങള്‍ ഉണ്ടായിട്ടുണ്ട്. സി പി എം ഓഫീസുകള്‍ക്കും കടകള്‍ക്കും നേരെ കല്ലേറും അക്രമവുമുണ്ടായി. അക്രമങ്ങള്‍ ഒഴിവാക്കാന്‍ പോലീസ് സുരക്ഷ ശക്തമാക്കിയിട്ടുണ്ട്.

കാസര്‍കോട് നഗരത്തില്‍ തിങ്കളാഴ്ച രാവിലെ യു ഡി എഫ് പ്രവര്‍ത്തകര്‍ പ്രതിഷേധ പ്രകടനം നടത്തി. കൊല്ലപ്പെട്ട കോണ്‍ഗ്രസ് പ്രവര്‍ത്തകരുടെ വീടുകള്‍ മുല്ലപ്പള്ളി രാമചന്ദ്രന്‍ സന്ദര്‍ശിച്ചു. ഞായറാഴ്ച രാത്രി 7.45 മണിയോടെയാണ് നാടിനെ നടുക്കിയ ഇരട്ടക്കൊലപാതകം അരങ്ങേറിയത്. ബൈക്കില്‍ സഞ്ചരിക്കുകയായിരുന്ന കൃപേഷിനെയും ശരത്തിനെയും കുറ്റിക്കാട്ടില്‍ ഒളിച്ചിരുന്ന് വെട്ടിക്കൊലപ്പെടുകത്തുകയായിരുന്നുവെന്നാണ് പോലീസ് അന്വേഷണത്തില്‍ കണ്ടെത്തിയിരിക്കുന്നത്. അക്രമത്തിനു പിന്നില്‍ സി പി എമ്മാണെന്നും എഫ് ഐ ആറില്‍ പറയുന്നു.

ഇരട്ടക്കൊലയില്‍ ഞെട്ടി കാസര്‍കോട്; തിങ്കളാഴ്ച ജില്ലയില്‍ കോണ്‍ഗ്രസ് ഹര്‍ത്താല്‍

കാസര്‍കോട് പെരിയയില്‍ സി പി എം- കോണ്‍ഗ്രസ് സംഘര്‍ഷം; കോണ്‍ഗ്രസ് പ്രവര്‍ത്തകന്‍ കൊല്ലപ്പെട്ടു, മറ്റൊരു കോണ്‍ഗ്രസ് പ്രവര്‍ത്തന്റെ നില ഗുരുതരം