പാമ്പു കടിയേറ്റ് ഗുരുതരാവസ്ഥയില്‍ ചികിത്സയിലായിരുന്ന ഭര്‍തൃമതി മരണപ്പെട്ടു
Aug 3, 2020, 12:01 IST
നീലേശ്വരം: (www.kasargodvartha.com 03.08.2020) പാമ്പു കടിയേറ്റ് ഗുരുതരാവസ്ഥയില്‍ ചികിത്സയിലായിരുന്ന ഭര്‍തൃമതി മരണപ്പെട്ടു. നീലേശ്വരം പള്ളിക്കര കുഞ്ഞി പുളിക്കാലിലെ അര്‍ച്ചന (40) ആണ് മരിച്ചത്. കാസര്‍കോട് ഡി സി ആര്‍ ബിയില്‍ ജോലി ചെയ്യുന്ന എസ് ഐ ലതീഷിന്റെ ഭാര്യയാണ്. കോഴിക്കോട്ടെ സ്വകാര്യാശുപത്രിയില്‍വെച്ച് തിങ്കളാഴ്ച പുലര്‍ച്ചെയായിരുന്നു അന്ത്യം.
ജൂലൈ 21നാണ് വീട്ടുപറമ്പില്‍ വെച്ച് അര്‍ച്ചനയ്ക്ക് അണലിയുടെ കടിയേറ്റത്. ഉടന്‍ കാഞ്ഞങ്ങാട് ജില്ലാ ആശുപത്രിയിലെത്തിക്കുകയും ഇവിടെ നിന്നും പരിയാരം മെഡിക്കല്‍ കോളേജ്, കണ്ണൂര്‍ എ കെ ജി, കോഴിക്കോട് എം സി എന്നിവിടങ്ങളില്‍ പ്രവേശിപ്പിച്ചു. ആരോഗ്യനിലയില്‍ പുരോഗതി ഇല്ലാത്തതിനാല്‍ പിന്നീട് കോഴിക്കോട് മിംസ് ആശുപത്രിയില്‍ പ്രവേശിപ്പിക്കുകയായിരുന്നു.
ചികിത്സയ്ക്കിടെ അണുബാധയെ തുടര്‍ന്ന് ഇടത് കാല്‍ മുട്ടിന് മുകളില്‍ വെച്ച് മുറിച്ചു നീക്കിയിരുന്നു. എന്നാല്‍ ജീവന്‍ രക്ഷിക്കാനായില്ല. കണ്ണൂര്‍ പെരളശ്ശേരിയിലെ പവിത്രന്‍- സ്വര്‍ണ വല്ലി ദമ്പതികളുടെ മകളാണ്. മക്കള്‍: ജിതിന്‍, നിധിന്‍.
SUMMARY: House wife died after snake bite
Tags
Share this story
