മുംബൈ വീണ്ടും തീ പിടുത്തം, ഇത്തവണ ഫാക്ടറിയില്‍; ആളപായമില്ല

By Desk EpsilonJan 27, 2018, 14:59 IST

മുംബൈ:(www.kasargodvartha.com 27.01.2018) മുംബൈ വീണ്ടും തീ പിടുത്തം. ഗോര്‍ഗണ്‍ ഈസ്റ്റില്‍ ഫാക്ടറിയിലാണ് തീപിടുത്തം ഉണ്ടായത്. വാള്‍ബെര്‍ട്ട് റോഡിലെ കാമ ഇന്‍സ്ട്രിയല്‍ എസ്റ്റേറ്റിലായിരുന്നു തീപിടുത്തം. ശനിയാഴ്ച രാവിലെ എട്ടുമണിയോടെയാണ് തീ പിടിച്ചത്. 15 യൂണിറ്റ് അഗ്‌നിശമന സേന രണ്ടുമണിക്കൂറോളം തീവ്രമായി പരിശ്രമിച്ച് തീ നിയന്ത്രണ വിധേയമാക്കി.

ആര്‍ക്കെങ്കിലും പരുക്കേറ്റതായോ ആളപായമുള്ളതായോ റിപ്പോര്‍ട്ടില്ല. തീപിടുത്തത്തിന്റെ കാരണം വ്യക്തമല്ല.