കള്ളപ്പണമോ വെളുപ്പിച്ചില്ല; രാജ്യത്ത് 50 ലക്ഷം പേര്‍ക്ക് തൊഴില്‍ നഷ്ടമായി; നോട്ടുനിരോധനത്തെക്കുറിച്ച് ഞെട്ടിക്കുന്ന വിവരങ്ങള്‍ പുറത്ത്; തെരഞ്ഞെടുപ്പിനിടെ ബിജെപിക്ക് കല്ലുകടിയായി പഠന റിപ്പോര്‍ട്ട്

By Desk EpsilonApr 17, 2019, 21:39 IST

ബംഗളൂരു: (www.kasargodvartha.com 17.04.2019) കള്ളപ്പണം വെളുപ്പിക്കാന്‍ കൊട്ടിഘോഷിച്ച് നടപ്പിലാക്കിയ നോട്ടുനിരോധനത്തില്‍ ഏകദേശം മുഴുവന്‍ പണവും തിരിച്ചെത്തിയതിന് ശേഷം നരേന്ദ്ര മോദി സര്‍ക്കാറിന് വീണ്ടും ക്ഷീണമായി പഠന റിപ്പോര്‍ട്ട്.

നോട്ടുനിരോധനത്തില്‍ രാജ്യത്തെ 50 ലക്ഷം പേര്‍ക്ക് തൊഴില്‍ നഷ്ടമായതായാണ് റിപ്പോര്‍ട്ട്. ബംഗളൂരുവിലെ അസിം പ്രേംജി സര്‍വ്വകലാശാലയിലെ സെന്റര്‍ ഫോര്‍ സസ്‌റ്റെയിനബിള്‍ ഡെവലപ്‌മെന്റ് പുറത്തിറക്കിയ റിപ്പോര്‍ട്ടിലാണ് ഞെട്ടിക്കുന്ന വിവരം.