Bike Found | കാസര്‍കോട് റെയില്‍വെ സ്റ്റേഷന്‍ പരിസരത്ത് നിന്നും മോഷ്ടിച്ച ബൈക് മഞ്ചേശ്വരത്ത് കണ്ടെത്തി; 'നിരവധി കേസുകളില്‍ പ്രതിയായ യുവാവും സുഹൃത്തും പൊലീസിനെ കണ്ട് വാഹനം ഉപേക്ഷിച്ച് ഓടിരക്ഷപ്പെട്ടു'

കാസര്‍കോട്: (www.kasargodvartha.com) റെയില്‍വെ സ്റ്റേഷന്‍ പരിസരത്ത് നിന്നും മോഷ്ടിച്ച ബൈക് മഞ്ചേശ്വരത്ത് കണ്ടെത്തി. പൊലീസ് സംഘത്തെ കണ്ട് മോഷ്ടിച്ച ബൈക് ഉപേക്ഷിച്ച് കഞ്ചാവ് സംഘം കടന്നുകളയുകയായിരുന്നുവെന്ന് പൊലീസ് പറഞ്ഞു. രാത്രികാല പട്രോളിംഗ് നടത്തുകയായിരുന്ന മഞ്ചേശ്വരത്തെ പൊലീസ് സംഘം ഹോടെലിന് സമീപം എന്‍ജിന്‍ ഓഫാക്കാതെ നിര്‍ത്തിയിട്ട ബൈക് ശ്രദ്ധയില്‍പ്പെട്ടതിനെ തുടര്‍ന്ന് ബൈക് ഉടമയെ തിരഞ്ഞ് ഹോടെലില്‍ കയറുന്നതിനിടെ ഇവിടെ നിന്നും നിരവധി മയക്കുമരുന്ന് കേസുകളില്‍ പ്രതിയായ കുമ്പള പൊലീസ് സ്റ്റേഷന്‍ പരിധിയിലെ യുവാവും സുഹൃത്തും ബൈക് ഉപേക്ഷിച്ച് ഓടി രക്ഷപ്പെടുകയായിരുന്നുവെന്നാണ് പറയുന്നത്.
     
കാസര്‍കോട് റെയില്‍വെ സ്റ്റേഷന്‍ പരിസരത്ത് നിര്‍ത്തിയിട്ടപ്പോള്‍ മോഷണം പോയ ബൈകാണെന്ന് തിരിച്ചറിഞ്ഞ മഞ്ചേശ്വരം പൊലീസ് കാസര്‍കോട് പൊലീസിന് വിവരം കൈമാറി വാഹനം വിട്ടുകൊടുത്തു.