അജ്മലിന്റെ മരണത്തില്‍ ദുരൂഹതയെന്ന് നാട്ടുകാര്‍; മുഖ്യമന്ത്രിക്കും കലക്ടര്‍ക്കും ജില്ലാ പോലീസ് മേധാവിക്കും പരാതി നല്‍കി

കാസര്‍കോട്; (www.kasargodvartha.com 23.04.2018) ഷൊര്‍ണൂര്‍ റെയില്‍വേ സ്റ്റേഷനില്‍ അവശനിലയില്‍ കാണപ്പെടുകയും പിന്നീട് ആശുപത്രിയില്‍ വെച്ച് മരണപ്പെടുകയും ചെയ്ത ചെമ്മനാട് കൊമ്പനടുക്കം ആലിച്ചേരിയിലെ മുഹമ്മദ് അജ്മലിന്റെ മരണത്തില്‍ ദുരൂഹതയെന്ന് നാട്ടുകാര്‍. ഇതു സംബന്ധിച്ച് മുഖ്യമന്ത്രി പിണറായി വിജയനും ജില്ലാ കലക്ടര്‍ ജീവന്‍ ബാബുവിനും ജില്ലാ പോലീസ് മേധാവി കെ ജി സൈമണിനും തഹസില്‍ദാര്‍ക്കും പരാതി നല്‍കി. പൊതുപ്രവര്‍ത്തകരായ ബാഷ ചെമ്മനാട്, അബ്ദുല്‍ഖാദര്‍ ചെമ്മനാട് എന്നിവരാണ് പരാതി നല്‍കിയത്.

വിഷം അകത്തു ചെന്നതാണ് മരണകാരണമെന്നാണ് നേരത്തെ ഡോക്ടര്‍മാര്‍ വ്യക്തമാക്കിയിരുന്നു. ഞായറാഴ്ചയാണ് ഷൊര്‍ണൂര്‍ റെയില്‍വേ സ്റ്റേഷനില്‍ അജ്മലിനെ അവശനിലയില്‍ കണ്ടെത്തിയത്. തുടര്‍ന്ന് തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചതായിരുന്നു. രാത്രിയോടെയാണ് മരണം സംഭവിച്ചത്.