വീട് തകര്‍ന്നുവീണു; ടി വി കാണാന്‍ അയല്‍ വീട്ടില്‍ പോയതുകൊണ്ട് വീട്ടുകാര്‍ രക്ഷപ്പെട്ടു

By Desk EpsilonApr 5, 2018, 12:07 IST

കാസര്‍കോട്: (www.kasargodvartha.com 05.04.2018) നെല്ലിക്കുന്ന് ചേരങ്കൈ കടപ്പുറത്ത് വീട് നിലംപൊത്തി. പരേതനായ ബാബു-പുഷ്പ ദമ്പതികളുടെ ഓടുമേഞ്ഞ വീടാണ് ബുധനാഴ്ച രാത്രി 8:10 മണിയോടുകൂടി തകര്‍ന്നുവീണത്. വീട്ടുകാര്‍ ബന്ധുവിന്റെ വീട്ടില്‍ പോയനേരത്താണ് വീട് നിലംപൊത്തിയത്. അതിനാല്‍ ആളപായമൊന്നുമുണ്ടായില്ല.

വീട്ടില്‍ കുട്ടികളടക്കം എട്ടുപേരാണ് താമസിക്കുന്നത്. പുഷ്പ, വിപിന്‍, ബബീഷ്, ബബിത, ഗീത, കുട്ടികളായ വിഷ്ണു(എട്ട്), വിഘ്നേഷ്(മൂന്നര), ആദിനാഥ്(3) എന്നിവരാണ് വീട്ടിലുള്ളത്. ഇവര്‍ ബന്ധുവായ സുമയുടെ തൊട്ടടുത്ത വീട്ടില്‍ ടി വി കാണാന്‍ പോയ നേരത്താണ് വീട് തകര്‍ന്നുവീണത്. ടി വി കണ്ടുകൊണ്ടിരിക്കെ വീട് തകര്‍ന്നുവീഴുന്ന ശബ്ദം കേട്ട് ഇവര്‍ ഓടിയെത്തുകയായിരുന്നു.