ദേശീയപാതയില്‍ മരണത്തെ മാടി വിളിച്ച് കെ എസ് ഇ ബി; അധികൃതര്‍ ഉറക്കത്തില്‍

By Desk EpsilonJun 2, 2018, 16:28 IST

മഞ്ചേശ്വരം: (www.kasargodvartha.com 02.06.2018) ദേശീയപാതയില്‍ മരണത്തെ മാടി വിളിച്ച് കെ എസ് ഇ ബി. മംഗളൂരു - കാസര്‍കോട് ദേശീയ പാതയില്‍ മഞ്ചേശ്വരം ജംഗ്ഷനിലാണ് ഇലക്ട്രിക് പോസ്റ്റ് അപകടാവസ്ഥയിലുള്ളത്. എച്ച് ടി ലൈന്‍ അടക്കം കടന്നുപോകുന്ന പോസ്റ്റ് ഏത് സമയത്തും തകര്‍ന്നു വീഴാറായ അവസ്ഥയിലാണ്.

പരാതിയുമായി പലവട്ടം അധികൃതരെ സമീപിച്ചെങ്കിലും തുരുമ്പിച്ച ഇലക്ട്രിക് പോസ്റ്റ് മാറ്റുവാന്‍ അധികാരികള്‍ ശ്രമിക്കുന്നില്ലെന്ന് നാട്ടുകാര്‍ ആരോപിക്കുന്നു. ജംഗ്ഷനിലെ ജനത്തിരക്കുള്ള ഓട്ടോ സ്റ്റാന്‍ഡിനു സമീപത്താണ് തുരുമ്പ് പിടിച്ചു ഏത് നിമിഷവും നിലം പതിക്കാരായ ഇലക്ട്രിക് പോസ്റ്റ് സ്ഥിതി ചെയ്യുന്നത്. കഴിഞ്ഞ ദിവസം കടമ്പാറില്‍ വൈദ്യുതി ലൈന്‍ പൊട്ടിവീണു സ്ത്രീ മരിച്ചിരുന്നു.