ആംബുലന്‍സ് ഡ്രൈവര്‍ക്ക് കുത്തേറ്റ സംഭവത്തില്‍ കേസെടുത്തു

By Desk EpsilonApr 25, 2018, 20:25 IST

കാഞ്ഞങ്ങാട്: (www.kasargodvartha.com 25.04.2018) ആംബുലന്‍സ് ഡ്രൈവറെ ബിയര്‍കുപ്പികൊണ്ട് കുത്തിപരിക്കേല്‍പ്പിച്ച സംഭവത്തില്‍ നരഹത്യാശ്രമത്തിന് പോലീസ് കേസെടുത്തു. പടന്നക്കാടെ കരുവളത്തെ ആംബുലന്‍സ് ഡ്രൈവര്‍ ഷെറിന്റെ പരാതിയില്‍ കരുവളത്തെ അസീസിന്റെ പേരിലാണ് ഹൊസ്ദുര്‍ഗ് പോലീസ് കേസെടുത്തത്.

കഴിഞ്ഞദിവസം വൈകിട്ട് കരുവളത്ത് വെച്ചാണ് അസീസിന്റെ നേതൃത്വത്തിലുള്ള സംഘം ഓട്ടോറിക്ഷ തടഞ്ഞുനിര്‍ത്തി ഷെറിനെ ബിയര്‍കുപ്പികൊണ്ട് തലക്ക് കുത്തിപരിക്കേല്‍പ്പിക്കുകയായിരുന്നു. ചെവിക്കും തലക്കും ഗുരുതരമായി പരിക്കേറ്റ ഷെറിന്‍ ജില്ലാശുപത്രിയില്‍ ചികിത്സയിലാണ്.