ആബിദ് വധം: ഗൂഢാലോചന നീക്കാന്‍ സി.ഐ ഓഫീസിലേക്ക് എസ്.ഡി.പി.ഐ. മാര്‍ച്ച്

കാസര്‍കോട്: (www.kasargodvartha.com 23/02/2015) എസ്.ഡി.പി.ഐ. പ്രവര്‍ത്തകന്‍ തളങ്കര നുസ്രത്ത് റോഡിലെ സൈനുല്‍ ആബിദ് വധക്കേസിലെ ഗൂഢാലോചന പുറത്തുകൊണ്ടുവരണമെന്നും, ആര്‍.എസ്.എസ്. നേതാക്കളെ പ്രതി ചേര്‍ക്കണമെന്നും ആവശ്യപ്പെട്ടു എസ്.ഡി.പി.ഐ. കാസര്‍കോട് മണ്ഡലം കമ്മിറ്റിയുടെ നേതൃത്വത്തില്‍ കാസര്‍കോട് പോലീസ് സര്‍ക്കിള്‍ ഇന്‍സ്‌പെക്ടര്‍ ഓഫീസിലേക്ക് മാര്‍ച്ചു നടത്തി.

തിങ്കളാഴ്ച രാവിലെ പുതിയ ബസ് സ്റ്റാന്‍ഡു പരിസരത്തു നിന്നാരംഭിച്ച മാര്‍ച്ചില്‍ നൂറോളം പ്രവര്‍ത്തകര്‍ അണിനിരന്നു. പോലീസ് സ്‌റ്റേഷനു മുന്നില്‍ നടന്ന പ്രതിഷേധ യോഗം ജില്ലാ പ്രസിഡന്റ് എന്‍.യു. അബ്ദുല്‍ സലാം ഉദ്ഘാടനം ചെയ്തു. ഖാദര്‍ അറഫ അധ്യക്ഷത വഹിച്ചു. എസ്.എ. അബ്ദുല്‍ റഹ്മാന്‍, ഇഖ്ബാല്‍ മഞ്ചേശ്വരം, മുഹമ്മദ് കുഞ്ഞി പ്രസംഗിച്ചു. സക്കറിയ ഉളിയത്തടുക്ക സ്വാഗതം പറഞ്ഞു.