അഭിലാഷിന്റെ മരണം ക്രൈംബ്രാഞ്ച് അന്വേഷിക്കുമെന്ന് ആഭ്യന്തരമന്ത്രി

കാഞ്ഞങ്ങാട്:(www.kasargodvartha.com 20.11.2014) കാഞ്ഞങ്ങാട് മീനാപ്പീസ് കടപ്പുറം സ്വദേശിയും ഹൊസ്ദുര്‍ഗ് ഗവ. ഹയര്‍ സെക്കന്‍ഡറി സ്‌കൂളിലെ പത്താംക്ലാസ് വിദ്യാര്‍ഥിയുമായ അഭിലാഷിന്റെ മരണം ക്രൈബ്രാഞ്ച് അന്വേഷിക്കുമെന്നു ആഭ്യന്തരമന്ത്രി രമേശ് ചെന്നിത്തല.

കാഞ്ഞങ്ങാട് ഇ.ചന്ദ്രശേഖരന്‍ എംഎല്‍എയ്ക്കാണു ആഭ്യന്തിരമന്ത്രി ഉറപ്പു നല്‍കിയത്. കൊലപാതകവുമായി ബന്ധപ്പെട്ടു രണ്ടു സഹപാഠികളെ പോലീസ് അറസ്റ്റു ചെയ്‌തെങ്കിലും സംഭവത്തില്‍ ദുരൂഹത നിലനില്‍ക്കുന്നതിനാലാണു ഇ.ചന്ദ്രശേഖരന്‍ എംഎല്‍എ ആഭ്യന്തിരമന്ത്രി രമേശ് ചെന്നിത്തലയുമായി നേരിട്ടു ചര്‍ച നടത്തിയത്.

മുഖത്തേറ്റ പരിക്കും മൃതദേഹം കാണപ്പെട്ട അസ്വാഭാവിക സാഹചര്യവും മരണത്തിലെ ദുരൂഹത ഏറെ വര്‍ധപ്പിക്കുകയാണ്. പാവപ്പെട്ട കുടുംബത്തിന്റെ പ്രതീക്ഷയായിരുന്നു ഹൊസ്ദുര്‍ഗ് ഗവ. ഹയര്‍സെക്കന്‍ഡറി സ്‌കൂളിലെ പത്താം തരം വിദ്യാര്‍ത്ഥിയായ അഭിലാഷ്.