കെ എസ് ആര്‍ ടി സി ബസിന് നേരെ കല്ലേറ്; കണ്ണിന് ഗുരുതര പരിക്കേറ്റ ഡ്രൈവര്‍ ആശുപത്രിയില്‍

By Desk EpsilonApr 16, 2018, 11:41 IST

ഉപ്പള: (www.kasargodvartha.com 16.04.2018) മംഗലാപുരത്തുനിന്നും കാസര്‍കോട്ടേക്ക് വരികയായിരുന്ന കെ എസ് ആര്‍ ടി സി ബസ്സിന് നേരെ കല്ലേറ്. ഞായറാഴ്ച്ച രാത്രി 10:05ന് ഉപ്പള നയാബസാറില്‍ ജനപ്രിയ ബസ്സ്‌റ്റോപ്പിനടുത്താണ് കല്ലേറുണ്ടായത്. ഡ്രൈവര്‍ ജോമോന്‍ മാത്യു(46) വിന് കണ്ണിന് പരിക്കേറ്റ് ആശുപത്രിയില്‍ ചികില്‍സയിലാണ്.

കല്ലെറിഞ്ഞവരെ തിരിച്ചറിഞ്ഞതായി പോലിസ് പറഞ്ഞു. സിസിടിവിയില്‍ കല്ലെറിഞ്ഞവരെ വ്യക്തമായിട്ടുണ്ടെന്നും ഉടന്‍ അറസ്റ്റ് ചെയ്യുമെന്നും പോലിസ് അറിയിച്ചു.