പീഡനശ്രമത്തിനിടെ ഭര്തൃമതി ഓട്ടോയില് നിന്നും ചാടിയ സംഭവം; പോലീസ് അറസ്റ്റ് ചെയ്ത് ജയിലിലടച്ചത് നിരപരാധിയെയാണെന്ന് കണ്ടെത്തി, ചന്തേര പോലീസ് പ്രതിക്കൂട്ടില്
Mar 16, 2018, 14:07 IST
കാസര്കോട്: (www.kasargodvartha.com 16.03.2018) പീഡനശ്രമത്തിനിടെ ഭര്തൃമതി ഓട്ടോയില് നിന്നും ചാടിയ സംഭവത്തില് പോലീസ് അറസ്റ്റ് ചെയ്ത് ജയിലിലടച്ചത് നിരപരാധിയെയാണെന്ന് കണ്ടെത്തി. ഇതോടെ യുവാവിനെ അറസ്റ്റു ചെയ്ത് ജയിലിലടച്ച ചന്തേര പോലീസ് പ്രതിക്കൂട്ടിലായി. ക്രൈം ഡിറ്റാച്ച്മെന്റ് ഡിവൈഎസ്പി എം പ്രദീപ് കുമാര് ഹൊസ്ദുര്ഗ് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് സമര്പിച്ച വിശദമായ അന്വേഷണ റിപ്പോര്ട്ടിലാണ് ഇക്കാര്യങ്ങള് വ്യക്തമാക്കിയത്.
2017 നവംബര് 24ന് ഉച്ചക്ക് 2.15 നാണ് കേസിനാസ്പദമായ സംഭവം നടന്നത്. പിലിക്കോട് സ്വദേശിനിയായ യുവതിയാണ് തന്നെ പീഡിപ്പിക്കാന് ശ്രമിച്ചതായുള്ള പരാതി നല്കിയത്. ചന്തേര സ്കൂളിലെ പിടിഎ യോഗത്തില് പങ്കെടുക്കാനായി പോകുമ്പോള് പിലിക്കോട് കാര്ഷിക ഗവേഷണ കേന്ദ്രത്തിന് സമീപത്തെ ബസ് സ്റ്റോപ്പില് നിന്നും സ്വകാര്യ ഓട്ടോറിക്ഷ കയറിയ യുവതിയെ പടുവളം വില്ലേജ് ഓഫീസിന് സമീപമെത്തിയപ്പോള് ഓട്ടോ ഡ്രൈവര് പിറകിലേക്ക് കൈയ്യിട്ട് പീഡിപ്പിക്കാന് ശ്രമിച്ചതായും രക്ഷപ്പെടാനായി ഓട്ടോയില്നിന്നും ചാടിയപ്പോള് റോഡില് വീണ് ഗുരുതരമായി പരിക്കേല്ക്കുകയും ചെയ്തുവെന്നാണ് കേസ്.
തുടര്ന്ന് അന്വേഷണം നടത്തിയ ചന്തേര പോലീസ് പയ്യന്നൂര് കാങ്കോല് സ്വാമിമുക്ക് മുരുങ്ങാട്ട് കോളനിയില് അഞ്ചില്ലത്ത് ഹൗസില് ഷാജഹാന്റെ മകന് എ ജി ഷാനവാസിനെ (21) അറസ്റ്റു ചെയ്യുകയും കോടതി റിമാന്ഡ് ചെയ്യുകയുമായിരുന്നു. നിരപരാധിയായ തന്റെ സഹോദരനെ പോലീസ് കള്ളക്കേസില് കുടുക്കിയതാണെന്നും സംഭവ സമയത്ത് ഷാനവാസ് പരിയാരം മെഡിക്കല് കോളജില് പല്ലിന് റൂട്ട് കനാല് ചെയ്യാനായി പോയിരുന്നുവെന്നും കാണിച്ച് സഹോദരി റുബീനയും പിതാവ് ഷാജഹാനും അറിയിച്ചിട്ടും പോലീസ് ചില സമ്മര്ദത്തെ തുടര്ന്ന് ഷാനവാസിനെ അറസ്റ്റു ചെയ്യുകയായിരുന്നു. പരിയാരം മെഡിക്കല് കോളജിലെ സിസിടിവി ദൃശ്യം പരിശോധിക്കണമെന്ന് സഹോദരി ആവശ്യപ്പെട്ടിട്ടും പോലീസ് ചെവികൊണ്ടില്ല.
പിന്നീട് മനുഷ്യാവകാശ കമ്മീഷനും, കാസര്കോട് എസ്പിക്കും ഉത്തരമേഖലാ ഐജിക്കും ബന്ധുക്കള് പരാതി നല്കുകയായിരുന്നു. ഇതേ തുടര്ന്ന് മനുഷ്യാവകാശ കമ്മീഷന്റെ നിര്ദേശ പ്രകാരം കാസര്കോട് ജില്ലാ പോലീസ് മേധാവിയുടെ നേരിട്ടുള്ള മേല്നോട്ടത്തില് ക്രൈം ഡിറ്റാച്ച്മെന്റ് ഡിവൈഎസ്പിയെ അന്വേഷണ ചുമതല ഏല്പിക്കുകയുമായിരുന്നു. പരിയാരം മെഡിക്കല് കോളേജിലെ മൂന്ന് നിരീക്ഷണ ക്യാമറകള് അന്വേഷണ സംഘം പരിശോധിച്ചു. ആശുപത്രി രേഖകളും ഡോക്ടറുടെ മൊഴിയും രേഖപ്പെടുത്തുകയും ചെയ്തു. ഇതോടെ സംഭവ ദിവസം ഉച്ചക്ക് മൂന്നു മണിവരെ ഷാനവാസ് പരിയാരം മെഡിക്കല് കോളേജിലെ ദന്തവിഭാഗത്തില് റൂട്ട് കനാല് ചികിത്സ നടത്തിവരികയായിരുന്നുവെന്ന് വ്യക്തമായി. ഇതുകൂടാതെ കാലിക്കടവിലെ നിരീക്ഷണ ക്യാമറകളും സംഘം പരിശോധിച്ചു.
ഇതോടെ യുവാവ് കുറ്റക്കാരനല്ലെന്ന് ക്രൈം ഡിറ്റാച്ച്മെന്റ് അന്വേഷണം സംഘത്തിന് വ്യക്തമാവുകയും കോടതിക്ക് റിപോര്ട്ട് നല്കുകയുമായിരുന്നു. പോലീസ് കസ്റ്റഡിയില് വെച്ചിരിക്കുന്ന ഷാനവാസിന്റെ ഓട്ടോറിക്ഷ വിട്ടുകൊടുക്കണമെന്നും യുവാവ് കുറ്റക്കാരനല്ലെന്നുമുള്ള വിശദമായ അന്വേഷണ റിപ്പോര്ട്ടാണ് കോടതിയില് സമര്പിച്ചിരിക്കുന്നത്. ചന്തേര പോലീസിന്റെ അന്വേഷണത്തിലെ കുറ്റകരമായ അനാസ്ഥയും റിപ്പോര്ട്ടില് പ്രതിപാദിച്ചതോടെ ചന്തേര പോലീസ്്് പ്രതിക്കൂട്ടിലായിരിക്കുകയാണ്.
2017 നവംബര് 24ന് ഉച്ചക്ക് 2.15 നാണ് കേസിനാസ്പദമായ സംഭവം നടന്നത്. പിലിക്കോട് സ്വദേശിനിയായ യുവതിയാണ് തന്നെ പീഡിപ്പിക്കാന് ശ്രമിച്ചതായുള്ള പരാതി നല്കിയത്. ചന്തേര സ്കൂളിലെ പിടിഎ യോഗത്തില് പങ്കെടുക്കാനായി പോകുമ്പോള് പിലിക്കോട് കാര്ഷിക ഗവേഷണ കേന്ദ്രത്തിന് സമീപത്തെ ബസ് സ്റ്റോപ്പില് നിന്നും സ്വകാര്യ ഓട്ടോറിക്ഷ കയറിയ യുവതിയെ പടുവളം വില്ലേജ് ഓഫീസിന് സമീപമെത്തിയപ്പോള് ഓട്ടോ ഡ്രൈവര് പിറകിലേക്ക് കൈയ്യിട്ട് പീഡിപ്പിക്കാന് ശ്രമിച്ചതായും രക്ഷപ്പെടാനായി ഓട്ടോയില്നിന്നും ചാടിയപ്പോള് റോഡില് വീണ് ഗുരുതരമായി പരിക്കേല്ക്കുകയും ചെയ്തുവെന്നാണ് കേസ്.
തുടര്ന്ന് അന്വേഷണം നടത്തിയ ചന്തേര പോലീസ് പയ്യന്നൂര് കാങ്കോല് സ്വാമിമുക്ക് മുരുങ്ങാട്ട് കോളനിയില് അഞ്ചില്ലത്ത് ഹൗസില് ഷാജഹാന്റെ മകന് എ ജി ഷാനവാസിനെ (21) അറസ്റ്റു ചെയ്യുകയും കോടതി റിമാന്ഡ് ചെയ്യുകയുമായിരുന്നു. നിരപരാധിയായ തന്റെ സഹോദരനെ പോലീസ് കള്ളക്കേസില് കുടുക്കിയതാണെന്നും സംഭവ സമയത്ത് ഷാനവാസ് പരിയാരം മെഡിക്കല് കോളജില് പല്ലിന് റൂട്ട് കനാല് ചെയ്യാനായി പോയിരുന്നുവെന്നും കാണിച്ച് സഹോദരി റുബീനയും പിതാവ് ഷാജഹാനും അറിയിച്ചിട്ടും പോലീസ് ചില സമ്മര്ദത്തെ തുടര്ന്ന് ഷാനവാസിനെ അറസ്റ്റു ചെയ്യുകയായിരുന്നു. പരിയാരം മെഡിക്കല് കോളജിലെ സിസിടിവി ദൃശ്യം പരിശോധിക്കണമെന്ന് സഹോദരി ആവശ്യപ്പെട്ടിട്ടും പോലീസ് ചെവികൊണ്ടില്ല.
പിന്നീട് മനുഷ്യാവകാശ കമ്മീഷനും, കാസര്കോട് എസ്പിക്കും ഉത്തരമേഖലാ ഐജിക്കും ബന്ധുക്കള് പരാതി നല്കുകയായിരുന്നു. ഇതേ തുടര്ന്ന് മനുഷ്യാവകാശ കമ്മീഷന്റെ നിര്ദേശ പ്രകാരം കാസര്കോട് ജില്ലാ പോലീസ് മേധാവിയുടെ നേരിട്ടുള്ള മേല്നോട്ടത്തില് ക്രൈം ഡിറ്റാച്ച്മെന്റ് ഡിവൈഎസ്പിയെ അന്വേഷണ ചുമതല ഏല്പിക്കുകയുമായിരുന്നു. പരിയാരം മെഡിക്കല് കോളേജിലെ മൂന്ന് നിരീക്ഷണ ക്യാമറകള് അന്വേഷണ സംഘം പരിശോധിച്ചു. ആശുപത്രി രേഖകളും ഡോക്ടറുടെ മൊഴിയും രേഖപ്പെടുത്തുകയും ചെയ്തു. ഇതോടെ സംഭവ ദിവസം ഉച്ചക്ക് മൂന്നു മണിവരെ ഷാനവാസ് പരിയാരം മെഡിക്കല് കോളേജിലെ ദന്തവിഭാഗത്തില് റൂട്ട് കനാല് ചികിത്സ നടത്തിവരികയായിരുന്നുവെന്ന് വ്യക്തമായി. ഇതുകൂടാതെ കാലിക്കടവിലെ നിരീക്ഷണ ക്യാമറകളും സംഘം പരിശോധിച്ചു.
ഇതോടെ യുവാവ് കുറ്റക്കാരനല്ലെന്ന് ക്രൈം ഡിറ്റാച്ച്മെന്റ് അന്വേഷണം സംഘത്തിന് വ്യക്തമാവുകയും കോടതിക്ക് റിപോര്ട്ട് നല്കുകയുമായിരുന്നു. പോലീസ് കസ്റ്റഡിയില് വെച്ചിരിക്കുന്ന ഷാനവാസിന്റെ ഓട്ടോറിക്ഷ വിട്ടുകൊടുക്കണമെന്നും യുവാവ് കുറ്റക്കാരനല്ലെന്നുമുള്ള വിശദമായ അന്വേഷണ റിപ്പോര്ട്ടാണ് കോടതിയില് സമര്പിച്ചിരിക്കുന്നത്. ചന്തേര പോലീസിന്റെ അന്വേഷണത്തിലെ കുറ്റകരമായ അനാസ്ഥയും റിപ്പോര്ട്ടില് പ്രതിപാദിച്ചതോടെ ചന്തേര പോലീസ്്് പ്രതിക്കൂട്ടിലായിരിക്കുകയാണ്.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)
Keywords: Kasaragod, Kerala, news, Police, arrest, case, Investigation, Top-Headlines, Chandera, Molestation case; Police arrested Innocent person
< !- START disable copy paste -->
Keywords: Kasaragod, Kerala, news, Police, arrest, case, Investigation, Top-Headlines, Chandera, Molestation case; Police arrested Innocent person
