പ്രായപൂര്‍ത്തിയാകാത്ത കുട്ടികള്‍ വാഹനമോടിച്ച സംഭവത്തില്‍ വാഹന ഉടമകള്‍ക്ക് പിഴ

By Desk EpsilonApr 25, 2018, 19:41 IST

കാഞ്ഞങ്ങാട്: (www.kasargodvartha.com 25.04.2018) പ്രായപൂര്‍ത്തിയാകാത്ത കുട്ടികള്‍ വാഹനമോടിച്ച സംഭവത്തില്‍ ഉടമകളെ കോടതി ശിക്ഷിച്ചു. കള്ളാര്‍ മാലക്കല്ലിലെ പി പി പ്രജിത്ത്(38), മാവിലാക്കടപ്പുറത്തെ മുഹമ്മദ് സുഹൈല്‍(20) എന്നിവരെയാണ് ഹൊസ്ദുര്‍ഗ് ജുഡീഷ്യല്‍ മജിസ്‌ട്രേറ്റ് ഒന്നാം ക്ലാസ് കോടതി (ഒന്ന്) 2750 രൂപ വീതം പിഴയടക്കാന്‍ ശിക്ഷിച്ചത്. വാഹനപരിശോധനക്കിടയിലാണ് കുട്ടികള്‍ ഓടിക്കുന്ന ബൈക്കുകള്‍ പിടികൂടിയത്. പറക്ലായിയല്‍ വെച്ചാണ് പ്രജിത്തിന്റെ ഉടമസ്ഥതയിലുള്ള ബൈക്ക് രാജപുരം എസ്‌ഐ പി കരുണാകരന്‍ പിടിച്ചെടുത്തത്.