77 വയസ് പ്രായം കണക്കാക്കുന്ന മുതല ഇതുവരെയായി ഓരാളെപോലും ഉപദ്രവിച്ചിട്ടില്ലെന്നത് ഏവരേയും ആശ്ചര്യപ്പെടുത്തുന്നതാണ്. ഭക്തര്‍ക്ക് കൗതുക കാഴ്ചയായിരുന്ന മുതല ചത്തത് ഞായറാഴ്ച രാത്രി 11 മണിയോടെയാണ്. വിവരം അറിഞ്ഞത് മുതല്‍ നൂറ് കണക്കിന് ആളുകളാണ് ക്ഷേത്രത്തിലേക്ക് എത്തിക്കൊണ്ടിരുന്നത്. ഉച്ചയോടെ ക്ഷേത്ര മൈതാനത്തിന് സമീപം ബബിയയുടെ സംസ്‌കാരം ആചാര ബഹുമതികളോടെ നടത്തി.
തിരുവനന്തപുരത്തെ ശ്രീപത്മനാഭ സ്വാമി ക്ഷേത്രത്തിന്റെ മൂലസ്ഥാനമാണ് കാസര്‍കോട്ടെ അനന്തപത്മനാഭ സ്വാമി ക്ഷേത്രമെന്നാണ് ഐതിഹ്യം. ബബിയ എന്ന മുതല അനന്തപത്മനാഭസ്വാമി ക്ഷേത്രത്തിലെത്തുന്നവര്‍ക്ക് കൗതുക കാഴ്ചയായിരുന്നു. നിരുപദ്രവകാരിയായ മുതല ഇടയ്ക്കിടെ തടാകത്തിന്റെ തെക്കുമാറിയുള്ള മാളത്തിലേക്ക് കയറിപോകാറുണ്ട്. എല്ലാ സമയത്തും ഭക്തര്‍ക്ക് മുതലയെ കാണാന്‍ കഴിയാറില്ല. എന്നാല്‍ പൂജാരി വിളിച്ചാല്‍ ഏതുസമയത്തും വിളികേട്ട് നിവേദ്യ ചോറിനായി ബബിയ എത്താറുണ്ടെന്ന് അധികൃതർ പറയുന്നു. ഒരിക്കല്‍ ബബിയ ശ്രീകോവിലിനു മുന്നില്‍ 'ദര്‍ശനം' നടത്തിയത് ക്ഷേത്ര പൂജാരി മൊബൈല്‍ ഫോണില്‍ പകര്‍ത്തി. ഈ ചിത്രങ്ങള്‍ക്ക് സമൂഹമാധ്യമങ്ങളിലടക്കം വലിയ പ്രചാരമാണ് ഉണ്ടാക്കിയത്.
2019ല്‍ ബബിയ മരിച്ചതായി സോഷ്യല്‍ മീഡിയയില്‍ വ്യാപകമായ പ്രചാരണം നടന്നിരുന്നെങ്കിലും അത് ശരിയല്ലയെന്ന് പൂജാരിയും ക്ഷേത്ര കമിറ്റിയും അറിയിച്ചിരുന്നു. തിങ്കളാഴ്ച രാവിലെ മുതല്‍ വീണ്ടും മുതല ചത്തതായി പ്രചരണം ഉണ്ടായപ്പോള്‍ വ്യാജ പ്രചാരണമെന്നാണ് എല്ലാവരും കരുതിയത്. എന്നാല്‍ വാര്‍ത്ത ശരിയാണെന്ന് ബന്ധപ്പെട്ടവര്‍ അറിയിച്ചതോടെ ബബിയ സ്നേഹിക്കുന്നവര്‍ ദുഖത്തിലായി.
You Might Also Like:
Keywords: Latest-News, Kerala, Kasaragod, Top-Headlines, Kumbala, Animal, Temple, Obituary, Rajmohan Unnithan, Babiya, Kerala's vegetarian crocodile, Ananthapura Lake, Babiya, Kerala's vegetarian crocodile of Ananthapura lake.
< !- START disable copy paste -->