മംഗളൂരുവില്‍ റണ്‍വേയില്‍ നിന്നും തെന്നിമാറിയത് 183 യാത്രക്കാരുമായെത്തിയ വിമാനം; ഞെട്ടല്‍ മാറാതെ യാത്രക്കാര്‍, രക്ഷയായത് പൈലറ്റിന്റെ മനസാന്നിധ്യം, വിമാനമിറക്കുന്നത് താത്കാലികമായി നിര്‍ത്തിവെച്ചു, ദുബൈയില്‍ നിന്നെത്തിയ സ്‌പൈസ് ജെറ്റ് ബംഗളൂരുവിലേക്ക് വഴിതിരിച്ചുവിട്ടു

മംഗളൂരു: (www.kasargodvartha.com 30.06.2019) മംഗളൂരു വിമാനത്താവളത്തില്‍ റണ്‍വേയില്‍ നിന്നും തെന്നിമാറിയത് 183 യാത്രക്കാരുമായെത്തിയ വിമാനം. ഞായറാഴ്ച വൈകിട്ട് 5.40 മണിയോടെയാണ് ദുബൈയില്‍ നിന്നുമെത്തിയ എയര്‍ ഇന്ത്യ എക്സ്പ്രസ് ലാന്‍ഡിംഗിനിടെ റണ്‍വേയില്‍ നിന്നും തെന്നിമാറിയത്. ഭാഗ്യം കൊണ്ടാണ് വന്‍ ദുരന്തം ഒഴിവായത്. ഇതിന്റെ ഞെട്ടലില്‍ നിന്നും ഇനിയും യാത്രക്കാര്‍ മുക്തമായിട്ടില്ല. ഏതാനും നിമിഷം യാത്രക്കാര്‍ മരണം മുന്നില്‍കണ്ടു. ഒടുവില്‍ പൈലറ്റിന്റെ മനസാന്നിധ്യം ഒന്നു കൊണ്ടുമാത്രമാണ് വിമാനം നിര്‍ത്താനായത്.

ഇറക്കാന്‍ അല്‍പം താമസിച്ചതാണ് അപകടത്തിനിടയാക്കിയതെന്നാണ് സംശയിക്കുന്നത്. അപകടമുണ്ടായ സാഹചര്യത്തില്‍ മംഗളൂരുവില്‍ വിമാനമിറക്കുന്നത് താത്കാലികമായി നിര്‍ത്തിവെച്ചിരിക്കുകയാണ്. ദുബൈയില്‍ നിന്നെത്തിയ സ്‌പൈസ് ജെറ്റ് ബംഗളൂരുവിലേക്ക് വഴിതിരിച്ചുവിട്ടു. ഇതുമൂലം ജെറ്റിലുണ്ടായിരുന്ന നിരവധി യാത്രക്കാരും യാത്രക്കാരെ സ്വീകരിക്കാനായി മംഗളൂരു വിമാനത്താവളത്തിലെത്തിയവരും ദുരിതത്തിലായി. കാസര്‍കോട്ടെയടക്കം നിരവധി പേരാണ് സ്‌പൈസ് ജെറ്റിലുണ്ടായിരുന്നത്. അപകടത്തില്‍പെട്ട വിമാനത്തിലുണ്ടായിരുന്ന എല്ലാ യാത്രക്കാരും സുരക്ഷിതരാണ്.

Related News:
മംഗളൂരുവില്‍ എയര്‍ ഇന്ത്യ എക്‌സ്പ്രസ് ലാന്‍ഡിംഗിനിടെ റണ്‍വേയില്‍ നിന്നും തെന്നിമാറി; ദുരന്തം ഒഴിവായി