ആരാധനാലയം ആക്രമിക്കാന്‍ സംഘം പുറപ്പെട്ടത് മുഖ്യപ്രതിയുടെ വീട്ടിലെ ജന്മദിനാഘോഷ പരിപാടിക്ക് ശേഷം

കാസര്‍കോട്: (www.kasargodvartha.com 18.03.2018) മീപ്പുഗിരിയിലെ ആരാധനാലയം ആക്രമിക്കാന്‍ സംഘം പുറപ്പെട്ടത് മുഖ്യപ്രതിയായ അണങ്കൂര്‍ ജെ.പി കോളനിയിലെ അക്ഷയുടെ വീട്ടില്‍ നടന്ന ജന്മദിനാഘോഷ പരിപാടികള്‍ക്കു ശേഷം. അക്ഷയുടെ വീട്ടില്‍ വ്യാഴാഴ്ച രാത്രി നടന്ന ജന്മദിനാഘോഷ പരിപാടിയില്‍ പങ്കെടുക്കാന്‍ കാസര്‍കോട്ടെയും പരിസരങ്ങളില്‍ നിന്നുമായി നിരവധി പേര്‍ എത്തിയിരുന്നു.

ആഘോഷ പരിപാടികളെല്ലാം കഴിഞ്ഞ് വെള്ളിയാഴ്ച പുലര്‍ച്ചെയാണ് അക്ഷയ് കൗമാരക്കാരായ മൂന്നു പേരെയും കൂട്ടി മീപ്പുഗിരിയിലെത്തിയത്. ആഘോഷ പരിപാടികള്‍ നടക്കുന്നതിനിടെ ഇവര്‍ നാലു പേരും വീട്ടില്‍ പ്രത്യേകം ഒത്തുചേരുകയും മീപ്പുഗിരിയിലെ ആരാധനാലയം ആക്രമിക്കാന്‍ പദ്ധതിയിടുകയുമായിരുന്നു.

Related News:
നാലംഗ സംഘം എത്തിയത് ആരാധനാലയം ആക്രമിക്കുകയെന്ന ലക്ഷ്യത്തോടെ; മുഖ്യപ്രതിയായ കൊലക്കേസ് പ്രതിയുള്‍പെടെ നാലു പേര്‍ അറസ്റ്റില്‍, പ്രതികളില്‍ മൂന്ന് പേര്‍ കൗമാരക്കാര്‍