ഗള്‍ഫില്‍ നിന്നെത്തിയ യുവതിയെ തുണിഅലക്കിക്കൊണ്ടിരിക്കെ പുഴയില്‍ വീണ് കാണാതായി

വിദ്യാനഗര്‍: (www.kasargodvartha.com 14.08.2017) ഗള്‍ഫില്‍ നിന്നെത്തിയ യുവതിയെ തുണിഅലക്കിക്കൊണ്ടിരിക്കെ പുഴയില്‍ വീണ് കാണാതായി. ചേരൂരിലെ റാഷിദിന്റെ ഭാര്യ റുമൈസ (22)യെയാണ് ചേരൂര്‍ പുഴയില്‍ കാണാതായത്. തിങ്കളാഴ്ച രാവിലെ 10 മണിയോടെയാണ് സംഭവം. വീടിനു സമീപത്തെ പുഴയോട് ചേര്‍ന്ന് വസ്ത്രങ്ങള്‍ അലക്കിക്കൊണ്ടിരിക്കെ അബദ്ധത്തില്‍ പുഴയില്‍ വീണതായാണ് സംശയിക്കുന്നത്.

പരിസരവാസികള്‍ വിവരമറിയിച്ചതിന്റെ അടിസ്ഥാനത്തില്‍ കാസര്‍കോട് നിന്നെത്തിയ ഫയര്‍ഫോഴ്‌സും പോലീസും നാട്ടുകാരും ചേര്‍ന്ന് തിരച്ചില്‍ നടത്തിവരികയാണ്. പുഴയില്‍ നല്ല അടിയൊഴുക്കുള്ളതിനാല്‍ തിരച്ചിലിന് തടസം നേരിടുന്നുണ്ട്.

ശനിയാഴ്ചയാണ് റുമൈസയും ഭര്‍ത്താവും കുഞ്ഞും ഗള്‍ഫില്‍ നിന്നും നാട്ടിലെത്തിയത്.