city-gold-ad-for-blogger

12 കാരിയായ നാടോടി പെണ്‍കുട്ടിയെ ബലാത്സംഗം ചെയ്ത് ഗര്‍ഭിണിയാക്കിയ വ്യാപാരി അറസ്റ്റില്‍

കാസര്‍കോട്: (www.kasargodvartha.com 29/04/2017) വഴിയോരത്ത് തമ്പടിച്ച് താമസിക്കുന്ന 12 കാരിയായ നാടോടി പെണ്‍കുട്ടിയെ ബലാത്സംഗം ചെയ്ത് ഗര്‍ഭിണിയാക്കിയെന്ന കേസില്‍ വ്യാപാരി അറസ്റ്റില്‍. കാഞ്ഞങ്ങാട് പെരിയ ബസാറില്‍ പച്ചക്കറി വ്യാപാരം നടത്തുന്ന പെരിയ ആയമ്പാറയിലെ മുരളീധരനെ(42)യാണ് ബേക്കല്‍ സി ഐ വിശ്വംഭരന്‍ അറസ്റ്റ് ചെയ്തത്.

കര്‍ണാടകയിലെ ഷിമോഗയില്‍ നിന്നും വന്ന സംഘത്തില്‍പെട്ട പെണ്‍കുട്ടിയാണ് ബലാത്സംഗത്തിനിരയായത്. കഴിഞ്ഞ ദിവസം പെണ്‍കുട്ടി അസ്വസ്ഥത പ്രകടിപ്പിച്ചതിനെ തുടര്‍ന്ന് ആശുപത്രിയില്‍ കാണിച്ചപ്പോഴാണ് മൂന്ന് മാസം ഗര്‍ഭിണിയാണെന്ന് കണ്ടെത്തിയത്. കുട്ടിയെ തോയമ്മല്‍ ജില്ലാശുപത്രിയില്‍ പ്രവേശിപ്പിച്ചു. നേരത്തെ മുരളീധരന്റെ കടക്ക് സമീപത്തായിരുന്നു പെണ്‍കുട്ടിയും കുടുംബവും ടെന്റടിച്ച് താമസിച്ചിരുന്നത്.

ഈ സമയത്ത് പല തവണകളിലായി പെണ്‍കുട്ടിയെ ഇയാള്‍ ബലാത്സംഗത്തിനിരയാക്കുകയായിരുന്നു. ആശുപത്രി അധികൃതര്‍ ചൈല്‍ഡ്‌ലൈന്‍ പ്രവര്‍ത്തകരെ വിവരമറിയിച്ചു. ചൈല്‍ഡ്‌ലൈന്‍ പ്രവര്‍ത്തകര്‍ നല്‍കിയ പരാതി പ്രകാരം ബേക്കല്‍ പോലീസ് മുരളീധരനെതിരെ കേസെടുക്കുകയായിരുന്നു. പ്രതിയെ വെള്ളിയാഴ്ച രാത്രി തന്നെ ബേക്കല്‍ പോലീസ് കസ്റ്റഡിയിലെടുത്ത് അറസ്റ്റ് രേഖപ്പെടുത്തുകയായിരുന്നു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

12 കാരിയായ നാടോടി പെണ്‍കുട്ടിയെ ബലാത്സംഗം ചെയ്ത് ഗര്‍ഭിണിയാക്കിയ വ്യാപാരി അറസ്റ്റില്‍

Keywords : Arrest, Molestation, Case, Accuse, Arrest, Kasaragod, Top-Headlines, News, Police, Complaint, Investigation.

Tags

Share this story

google news
Local News
Kasargodvartha android application
UNITED MEDICAL CENTER 01/02/2022
wellfitindia

wellfitindia