മൊബൈല്‍ കടയില്‍ കവര്‍ച്ച; മൂന്ന് മൊബൈല്‍ ഫോണുകളും ഒരു ലാപ്‌ടോപും നഷ്ടപ്പെട്ടു

കാസര്‍കോട്: (www.kasargodvartha.com 12/04/2015) ട്രാഫിക് ജംഗ്ഷന് സമീപം മൊബൈല്‍ കടയില്‍ കവര്‍ച്ച. എക്‌സല്‍ മൊബൈല്‍ കടയിലാണ് ശനിയാഴ്ച രാത്രി കവര്‍ച്ച നടന്നത്. കടയില്‍ നിന്നും മൂന്ന് മൊബൈല്‍ ഫോണുകളും ഒരു ലാപ്‌ടോപും നഷ്ടപ്പെട്ടതായി ഉടമ പോലീസില്‍ നല്‍കിയ പരാതിയില്‍ പറയുന്നു. കൊറക്കോട് ബിലാല്‍ നഗറിലെ മുഹമ്മദ് സൂപ്പിയുടെ ഉടമസ്ഥതയിലുള്ളതാണ് കട.

ശനിയാഴ്ച രാത്രി കടയടച്ച് വീട്ടില്‍ പോയതായിരുന്നു. ഞായറാഴ്ച രാവിലെ കട തുറക്കാനെത്തിയപ്പോഴാണ് കവര്‍ച്ച ശ്രദ്ധയില്‍പെട്ടത്. ഓടുകള്‍ ഇളക്കിമാറ്റിയാണ് മോഷ്ടാക്കള്‍ അകത്തുകടന്നത്. വിരലടയാളവിദഗ്ദ്ധന്‍ പി. നാരയണന്റെ നേതൃത്വത്തില്‍ വിരലടയാളം ശേഖരിച്ചു. പോലീസ് കേസെടുത്ത് അന്വേഷണം ആരംഭിച്ചു.

രണ്ട് വര്‍ഷം മുമ്പ് ഈ കടയില്‍ കവര്‍ച്ച നടന്നിരുന്നു. അന്ന് 60,000 രൂപയുടെ സാധനങ്ങളാണ് മോഷണം പോയത്.