ഷാഡോപോലീസിനെ മണല്‍കടത്തുസംഘം ടിപ്പര്‍ലോറിയിടിച്ച് കൊല്ലാന്‍ ശ്രമിച്ചു

കാസര്‍കോട്: (www.kasargodvartha.com 19.06.2014) ഷാഡോപോലീസിനെ മണല്‍കടത്തുസംഘം ടിപ്പര്‍ലോറിയിടിച്ച് കൊല്ലാന്‍ ശ്രമിച്ചു. ബൈക്കില്‍ പട്രോളിംഗ് നടത്തുകയായിരുന്ന പോലീസുകാര്‍ അത്ഭുകരമായാണ് നിസാര പരിക്കുകളോടെ രക്ഷപ്പെട്ടത്. വ്യാഴാഴ്ച പുലര്‍ചെ 2.30 മണിയോടെ അണങ്കൂര്‍ കൊല്ലമ്പാടി റോഡിലാണ് സംഭവം.

എ.ആര്‍. ക്യാമ്പിലെ പോലീസുകാരായ കെ. ധനേഷ് (27), രതീഷ് (27) എന്നിവരാണ് ബൈക്കില്‍ പെട്രോളിംഗ് നടത്തിയത്. ഇതില്‍ ധനേഷിന് പരിക്കേറ്റു. ധനേഷ് കാസര്‍കോട് ജനറല്‍ ആശുപത്രിയില്‍ ചികിത്സതേടി.


കെ.എല്‍. 14. ഇ. 5654 നമ്പര്‍ ടിപ്പര്‍ ലോറിയാണ് പോലീസുകാര്‍ സഞ്ചരിച്ച കെ.എല്‍. 01 ബിബി 7462 നമ്പര്‍ ബൈക്കില്‍ ഇടിച്ച് കൊല്ലാന്‍ ശ്രമിച്ചത്. ടിപ്പര്‍ലോറി പിന്നീട് അമിതവേഗതയില്‍ ഓടിച്ചുപോയി.