ബന്ധുവിന്റെ വിവാഹത്തില്‍ പങ്കെടുത്ത് മടങ്ങുമ്പോള്‍ ബൈക്കിടിച്ച് പരിക്കേറ്റയാള്‍ മരിച്ചു

ചട്ടഞ്ചാല്‍: (www.kasargodvartha.com 12.06.2014) ബന്ധുവിന്റെ വിവാഹത്തില്‍ പങ്കെടുത്ത് മടങ്ങുമ്പോള്‍ ബൈക്കിടിച്ച് പരിക്കേറ്റ് മംഗലാപുരത്തെ സ്വകാര്യാശുപത്രിയില്‍ ചികിത്സയിലായിരുന്ന വൃദ്ധന്‍ മരിച്ചു. ചട്ടഞ്ചാല്‍ പുത്തരിയടുക്കത്തെ മഠത്തില്‍ മൊയ്തു (68) വാണ് ബുധനാഴ്ച രാത്രി മരിച്ചത്.

കഴിഞ്ഞ ഞായറാഴ്ച പുത്തരിയടുക്കത്താണ് അപകടമുണ്ടായത്. ബന്ധുവിന്റെ വിവാഹത്തില്‍ പങ്കെടുത്ത് റോഡരികിലൂടെ നടന്നു പോകുമ്പോള്‍ ബൈക്കിടിച്ച് ഗുരുതരമായി പരിക്കേല്‍ക്കുകയായിരുന്നു.

ഭാര്യ: ഖദീജ. മക്കള്‍: സിദ്ദീഖ് മൗലവി, അബ്ദുല്‍ സലാം, സുഹ്‌റ, ഫൗസിയ, റസിയ, ഉമൈറ, ഫരീദ, റംല. മരുമക്കള്‍: മുഹമ്മദ് ഷരീഫ്, അഷ്‌റഫ്, ആരിഫ്, അഷ് റഫ്, മിസ്‌രിയ, സഫിയ. സഹോദരങ്ങള്‍: അബ്ദുല്ല, മറിയുമ്മ.