ദുബൈയില്‍ മരിച്ച അബ്ദുര്‍ റഹ്മാന്റെ മൃതദേഹം നാട്ടിലെത്തിച്ചു

ബദിയടുക്ക: ദുബൈയില്‍ മരിച്ച അബ്ദുര്‍ റഹ്മാന്റെ മൃതദേഹം നാട്ടിലെത്തിച്ചു. കൊല്ലംങ്കാനയിലെ അബ്ദുല്ലകുഞ്ഞിയുടെ മകന്‍ അബ്ദുര്‍ റഹ്മാന്റെ(43) മൃതദേഹമാണ് വെള്ളിയാഴ്ച രാവിലെ മംഗലാപുരം വിമാനത്താവളം വഴി നാട്ടിലെത്തിച്ചത്. ഹോട്ടല്‍ തൊഴിലാളിയായ അബ്ദുര്‍ റഹ്മാനെ ഇക്കഴിഞ്ഞ വെള്ളിയാഴ്ചയ്ണ് മരിച്ചനിലയില്‍ കണ്ടെത്തിയത്.

ജോലികഴിഞ്ഞ് താമസസ്ഥലത്തേക്ക് പുറപ്പെട്ട അബ്ദുര്‍ റഹ്മാന്‍ താമസസ്ഥലത്ത് എത്താത്തതിനാല്‍ സുഹൃത്തുക്കള്‍ ദുബൈ പോലീസില്‍ പരാതി നല്‍കുകയും അന്വേഷിക്കുന്നതിനിടയിലാണ് ആശുപത്രിയില്‍ വെച്ച് മരിച്ചതായി വിവരം ലഭിക്കുകയുമായിരുന്നു. റോഡരികില്‍ കുഴഞ്ഞ് വീണ് അബോധാവസ്ഥയിലായ അബ്ദുര്‍ റഹ്മാനെ ദുബൈ പോലീസ് ആശുപത്രിയിലെത്തിക്കുകയും പിന്നീട് മരണം സംഭവിക്കുകയുമായിരുന്നു.

മൃതദേഹം തിങ്കളാഴ്ചയോടെ നാട്ടിലെത്തിക്കാനാണ് തീരുമാനിച്ചതെങ്കിലും സാധിച്ചിരുന്നില്ല. മൃതദേഹത്തോടൊപ്പം അടുത്ത ബന്ധുക്കളും അയല്‍ക്കാരും എത്തിയിരുന്നു. മൃതദേഹം കെല്ലങ്കാന ജുമാമസ്ജിദ് ഖബര്‍സ്ഥാനില്‍ ഖബറടക്കം നടത്തും.

Related News:
ദുബൈയില്‍ കാണാതായ മാന്യ സ്വദേശി മരിച്ച നിലയില്‍