ഇലക്ട്രോണിക്‌സ് സാധനങ്ങളിലും സ്വര്‍ണക്കടത്ത്: കാസര്‍കോട് സ്വദേശി മംഗലാപുരത്ത് അറസ്റ്റില്‍

മംഗലാപുരം: കോഫി മഗ്, എല്‍.ഇ.ഡി. ബള്‍ബ്, സ്വിച്ച് എന്നിവയില്‍ ഒളിപ്പിച്ചു കടത്തിയ 466.600 ഗ്രാം സ്വര്‍ണവുമായി കാസര്‍കോട് സ്വദേശിയെ മംഗലാപുരം വിമാനത്താവളത്തില്‍ കസ്റ്റംസ് അറസ്റ്റു ചെയ്തു. മധൂര്‍ കോട്ടക്കണ്ണിയിലെ അബൂബക്കര്‍ സിദ്ദീഖ് ആണ് അറസ്റ്റിലായത്. പിടികൂടിയ സ്വര്‍ണത്തിനു 14.20 ലക്ഷം രൂപ വില വരും.

ബുധനാഴ്ച വൈകിട്ട് 6.30 മണിയോടെ ബഹറിനില്‍ നിന്ന് എയര്‍ ഇന്ത്യ എക്‌സ്പ്രസ് IX-820 നമ്പര്‍ വിമാനത്തില്‍ വന്നിറങ്ങിയതായിരുന്നു സിദ്ദീഖ്. കൈവശമുണ്ടായിരുന്ന കാര്‍ട്ടൂണ്‍ പെട്ടി പരിശോധിച്ചപ്പോഴാണ് സ്വര്‍ണം കട്ടകളായും നാടരൂപത്തിലും ഒളിപ്പിച്ച നിലയില്‍ കണ്ടെത്തിയത്.

പ്രതിയെ കൂടുതല്‍ ചോദ്യംചെയ്യാനായി ബജ്‌പെ പോലീസിന് കൈമാറി. അടുത്തിടെയായി ഗള്‍ഫില്‍ നിന്ന് മംഗലാപുരം എയര്‍പോര്‍ട്ട് വഴി സ്വര്‍ണക്കടത്ത് വ്യാപകമായിട്ടുണ്ട്. സ്വര്‍ണക്കടത്തിന് പലതരത്തിലുള്ള രീതികളും സ്വീകരിക്കുന്നുണ്ടെങ്കിലും വിദഗ്ദ്ധമായ പരിശോധനയില്‍ നിരവധിപേര്‍ കുടങ്ങുകയാണ്.

കഴിഞ്ഞ ദിവസം സ്വര്‍ണം 28 ഗുളികകളുടെ രൂപത്തില്‍ വിഴുങ്ങി നാട്ടിലെത്തിയ തച്ചങ്ങാട്ടെ ശശിധരനെ വിമാനത്താവളത്തിലെ പരിശോധനയില്‍ പിടികൂടാന്‍ കഴിഞ്ഞില്ലെങ്കിലും ആശുപത്രിയില്‍വെച്ച് സ്വര്‍ണം പുറത്തെടുത്തപ്പോള്‍ കസ്റ്റംസ് അധികൃതര്‍ കസ്റ്റഡിയില്‍ വാങ്ങുകയായിരുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords:  Mangalore, Gold, Seized, Arrest, Airport, Smuggling, Bahrain,  Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.

Advertisement: