അഫ്‌സലിന്റെ മരണം പിതാവ് ഗള്‍ഫിലേക്ക് തിരിക്കുന്നതിന് മുമ്പ്

കാസര്‍കോട്: നുള്ളിപ്പാടിയില്‍ ബൈക്കില്‍ സഞ്ചരിക്കുമ്പോള്‍ ലോറികയറി മരിച്ച അടുക്കത്ത്ബയലിലെ അഫ്‌സലിന്റെ മൃതദേഹം പോസ്റ്റുമോര്‍ട്ടത്തിന് ശേഷം അടുക്കത്ത് ബയലിലെ വീട്ടിലെത്തിച്ചു. നൂറുകണക്കിനാളുകളാണ് വീട്ടിലെത്തിയത്. ഉച്ചയോടെ അടുക്കത്ത് ബയല്‍ ജുമാ മസ്ജിദ് ഖബര്‍സ്ഥാനില്‍ ഖബറടക്കും. പിതാവ് അബ്ദുല്‍ അസീസ് ഗള്‍ഫിലേക്ക് തിരിക്കാനിരിക്കെയാണ് അഫ്‌സല്‍ ദാരുണമായി മരിച്ചത്. 40 ദിവസം മുമ്പ് അഫ്‌സലിന്റെ ഉമ്മുമ്മ മരിച്ചതിനെ തുടര്‍ന്നാണ് പിതാവ് അസീസ് നാട്ടിലെത്തിയത്.

22ന് ഗള്‍ഫിലേക്ക് തിരിച്ചുപോകാനിരിക്കുമ്പോഴാണ് മകന്റെ മരണവും സംഭവിച്ചിരിക്കുന്നത്. അഫ്‌സലിന്റെ ആകസ്മിക മരണം നാടിനെ കണ്ണീരിലാഴ്ത്തി. മരണവിവരമറിഞ്ഞ് സ്‌കൂള്‍ അധികൃതരും സഹപാഠികളുമടക്കം വന്‍ ജനാവലിയാണ് ഒരുനോക്കുകാണാനായി അഫ്‌സലിന്റെ വീട്ടിലേക്കും ആശുപത്രിയിലേക്കും ഒഴുകിയെത്തിയത്. അപകടംവരുത്തിയ ലോറി പോലീസ് കസ്റ്റഡിയിലെടുത്തിട്ടുണ്ട്.

തളങ്കര ദഖീറത്ത് ഇംഗ്ലീഷ് മീഡിയം സ്‌കൂളിലെ പ്ലസ്ടു വിദ്യാര്‍ത്ഥിയാണ് അഫ്‌സല്‍. വ്യാഴാഴ്ച വൈകിട്ട് അഞ്ച് മണിയോടെ നുള്ളിപ്പാടി ജുമാമസ്ജിദിന് സമീപം ദേശീയ പാതയിലാണ് അപകടം നടന്നത്. കാസര്‍കോട് ഭാഗത്തേക്ക് ബൈക്കില്‍ വരികയായിരുന്ന അഫ്‌സല്‍ ഒരു ബസിനെ മറികടന്നുവന്ന ലോറി ഇടിക്കാതിരിക്കാന്‍ ഡിവൈഡറിന് സമീപത്തേക്ക് ഒതുക്കിയപ്പോള്‍ ഡിവൈഡറിലിടിച്ച് തെറിച്ചു വീഴുകയായിരുന്നു. ലോറിയുടെ പിന്‍ചക്രം ദേഹത്ത് കയറിയാണ് തല്‍ക്ഷണം മരിച്ചത്.


Advertisement:

• മലബാറില്‍ ആദ്യമായി സിമുലേറ്ററിന്റെ സഹായത്തോടെ ഡ്രൈവിംഗ് പരിശീലനം Call: 9400003096
• 2013 ഡിസംബറില്‍ കാസര്‍കോട്ട് നിന്നും പുറപ്പെടുന്ന ഉംറ ബാച്ചിലേക്ക് ബുക്കിംഗ് ആരംഭിച്ചു. വിവരങ്ങള്‍ക്ക് വിളിക്കുക: 9400003090 നിരക്ക്-52,500 മാത്രം
• വൈദ്യുതി മുടക്കമോ? ഉയര്‍ന്ന നിലവാരത്തിലുള്ള ഇന്‍വേര്‍ട്ടറുകളും ബാറ്ററിയും....                     വിളിക്കുക: +91 944 60 90 752
• കറന്റ് ബില്ല് ഷോക്കടിപ്പിച്ചോ? വൈദ്യുതി ലാഭിക്കാം...
  വിളിക്കുക: +91 944 60 90 752