36 ഗ്രാം ബ്രൗണ്‍ ഷുഗറുമായി മധ്യവയസ്‌ക്കന്‍ അറസ്റ്റില്‍

കാസര്‍കോട്: 36 ഗ്രാം ബ്രൗണ്‍ ഷുഗറുമായി മധ്യവയസ്‌ക്കനെ കാസര്‍കോട് അഡീഷണല്‍ എസ്.ഐ പി.വിജയനും സംഘവും അറസ്റ്റ് ചെയ്തു. മൊഗ്രാല്‍ പുത്തൂര്‍ പന്നിക്കുന്ന് എടച്ചേരി ഹൗസിലെ പി.എച്ച് അബൂബക്കറി(52) നെയാണ് വ്യാഴാഴ്ച രാത്രി കാസര്‍കോട് കെ.എസ്.ആര്‍.ടി.സി ഡിപ്പോയ്ക്കടുത്തുവെച്ച് അറസ്റ്റ് ചെയ്തത്.

അരയില്‍ തിരുകിയ നിലയിലായിരുന്നു ബ്രൗണ്‍ ഷുഗര്‍. കോഴിക്കോട്ടേക്ക് ബ്രൗണ്‍ ഷുഗര്‍ കടത്തുന്നുണ്ടെന്ന രഹസ്യ വിവരത്തെ തുടര്‍ന്ന് പോലീസ് നിരീക്ഷണം നടത്തിവരികയായിരുന്നു. ബ്രൗണ്‍ ഷുഗര്‍ കടത്തുന്ന സംഘത്തിലെ കണ്ണിയാണ് ഇയാളെന്ന് സംശയിക്കുന്നു. ഇയാളെ വെള്ളിയാഴ്ച കോടതിയില്‍ ഹാജരാക്കും.