മാലിന്യം തള്ളാനെത്തിയവരെ നാട്ടുകാര്‍ ഒളിച്ചിരുന്ന് പിടികൂടി; 3 പേര്‍ അറസ്റ്റില്‍

കാസര്‍കോട്: കല്ലുവെട്ട് കുഴികളില്‍ മാലിന്യം തള്ളാനെത്തിയവരെ നാട്ടുകാര്‍ ഒളിച്ചിരുന്ന് പിടികൂടി. മാലിന്യം തള്ളാനെത്തിയ മൂന്ന് പേരെയും മാലിന്യം കൊണ്ടുവന്ന ടെമ്പോ വാനും നാട്ടുകാര്‍ വിദ്യാനഗര്‍ പോലീസില്‍ ഏല്‍പിച്ചു. പോലീസ് മൂന്നു പേരെ അറസ്റ്റ് ചെയ്തു. ആലംപാടിയിലെ ആഷിഫ് (24), സവാദ് (20), റഷീദ് (21) എന്നിവരെയാണ് വിദ്യാനഗര്‍ പോലീസ് അറസ്റ്റ് ചെയ്തത്.

മധൂര്‍, ഉളിയത്തടുക്ക, അറന്തോട് ഭാഗങ്ങളില്‍ കല്ലുവെട്ട് കുഴികളില്‍ സ്ഥിരമായി മാലിന്യം കൊണ്ടുവന്നു തള്ളുന്നതിനെതിരെ നാട്ടുകാര്‍ രംഗത്തുവന്നിരുന്നു. മാലിന്യം തള്ളുന്നവരെ പിടികൂടാന്‍ ഏതാനും ദിവസമായി നാട്ടുകാര്‍ ഉറക്കമൊഴിച്ച് കാത്തിരിക്കുകയാ യിരുന്നു.

Advertisement: