റോഡില്‍ ചായയും പലഹാരവും ഉണ്ടാക്കി അവര്‍ വാഹന ബന്ദ് നടത്തി

ബദിയടുക്ക: ബദിയടുക്ക-മുള്ളേരിയ റോഡിന്റെ ശോചനിയാവസ്ഥയ്‌ക്കെതിരെ റോഡ് വികസന ജനകീയ മുന്നണിയുടെ ആഭിമുഖ്യത്തില്‍ വാഹന ബന്ദ് ആരംഭിച്ചു. റോഡില്‍ കല്ലും മരവും വെച്ച് റോഡ് ഉപരോധിച്ചതിനാല്‍ മലയോര ഭാഗത്തേക്കുള്ള വാഹന ഗതാഗതം പൂര്‍ണമായും സ്തംഭിച്ചു. റോഡില്‍ ചായയും പലഹാരവും വച്ചുണ്ടാക്കി അവിടെ ഇരുന്ന് തന്നെ കഴിച്ചാണ് ജനങ്ങള്‍ റോഡുപരോധിച്ചത്.

ബദിയടുക്ക മുകളിലെ ബസാര്‍, ബാറഡുക്ക, അര്‍ത്തിപ്പളം, നാരമ്പാടി, മൗവ്വാര്‍, മുള്ളേരിയ  എന്നിവിടങ്ങളില്‍ നൂറുകണക്കിന് ആളുകളാണ് റോഡ് ഉപരോധത്തില്‍ പങ്കെടുത്തത്. ഇരുചക്രവാഹനങ്ങളെ പോലും സമരക്കാര്‍ കടത്തിവിട്ടില്ല. വ്യാപാരി വ്യവസായി ഏകോപന സമിതിയുടെ പിന്തുണയും ഇവര്‍ക്കുണ്ടായിരുന്നു. പൊതുജനങ്ങളുടെ പങ്കാളിത്തം കൊണ്ട് സമരം ശ്രദ്ധേയമായി.

സമരത്തിന് മര്‍ച്ചന്‍സ് യൂത്ത് വിംഗ് ജില്ലാ സെക്രട്ടറി സിദ്ദിഖ് ഫൈസല്‍, ജഗന്നാഥ ആള്‍വ, രാജു സ്റ്റീഫന്‍, രവി, ശ്രീനിവാസ അമ്മണ്ണായ, മുഹമ്മദ് കുഞ്ഞി, റജീ മാത്യു, ശങ്കര ഭട്ട്, രാമഹെബ്ബാര്‍ തുടങ്ങിയവര്‍ നേതൃത്വം നല്‍കി. പൊരിവെയിലിലും സമരക്കാര്‍ റോഡുപരോധം തുടര്‍ന്നു. സ്ത്രീകളും കുട്ടികളുമടക്കമുള്ളവരുടെ പങ്കാളിത്തവും സമരത്തിന് ഉണ്ടായിരുന്നു. റോഡില്‍ കിടന്നുകൊണ്ടാണ് ഇവര്‍ ഉപരോധം നടത്തിയത്. മുള്ളേരിയയില്‍ പ്രകടനവും നടത്തി. പോലീസ് എല്ലാ സ്ഥലങ്ങളിലും നിലയുറപ്പിച്ചിരുന്നു. സമരം വൈകിട്ട് അവസാനിക്കും.


Keywords: Kasaragod, Badiyadukka, Mullapperiyar, Road, Protest, Kerala, Food, Sleep, Strike, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.