റോഡ് വശങ്ങളിലെ കാടുവെട്ടിത്തെളിച്ച് ഡിവൈഎഫ്‌ഐ യൂണിറ്റ് മാതൃകയായി

ബന്തടുക്ക: മോട്ടോര്‍ തൊഴിലാളികളുടെ പണിമുടക്ക് ദിനത്തില്‍ റോഡ് വശങ്ങളിലെ കാടുവെട്ടിത്തെളിച്ച് ഡിവൈഎഫ്‌ഐ യൂണിറ്റ് മാതൃകയായി. ബന്തടുക്ക സെക്കന്‍ഡ് മേഖലയിലെ മൊട്ട യൂണിറ്റാണ് ബന്തടുക്ക-മാണിമൂല റോഡില്‍ പുളിഞ്ചാല്‍ മുതല്‍ മാണിമൂല വരെ മൂന്ന് കിലോമീറ്ററോളം ദൂരത്തില്‍ റോഡ് വശങ്ങളിലെ കാടുവെട്ടിത്തെളിച്ചത്.

	ഡിവൈഎഫ്‌ഐ ബന്തടുക്ക മൊട്ട യൂണിറ്റ് ബന്തടുക്കമാണിമൂല റോഡ് വശങ്ങളിലെ കാടുവെട്ടിത്തെളിക്കുന്നു.

ഇടുങ്ങിയ റോഡിന്റെ വശങ്ങളില്‍ കാട് വളര്‍ന്ന് പന്തലിച്ച് വാഹന ഗതാഗതം പോലും ദുഷ്‌കരമായതിനെത്തുടര്‍ന്നാണ് ഡിവൈഎഫ്‌ഐ യൂണിറ്റ് റോഡ് വശങ്ങള്‍ ശുചീകരിച്ചത്. ബുധനാഴ്ച രാവിലെ പത്തുമണിയോടെ ആരംഭിച്ച പ്രവൃത്തി മൂന്ന് മണിയോടെയാണ് സമാപിച്ചത്. മേഖലാ ജോയിന്റ് സെക്രട്ടറി എം മൊയ്തു, യൂണിറ്റ് സെക്രട്ടറി എം രാജന്‍, പ്രസിഡന്റ് എം വി ഷീജു, ട്രഷറര്‍ പി എം സിദ്ധിഖ്, സനീഷ് പുളിഞ്ചാല്‍, സിറാജ്, കൃഷ്ണന്‍, ജയന്‍, വിജയപ്രകാശ്, സാബിര്‍, എം എ അസീസ് എന്നിവര്‍ നേതൃത്വം നല്‍കി.