വീട്ടമ്മയുടെ മാല തട്ടിപ്പറിച്ച യുവാവ് പിടിയില്‍

ഉപ്പള: നടന്നു പോവുകയായിരുന്ന വീട്ടമ്മയുടെ കഴുത്തില്‍ നിന്നും മാല പൊട്ടിച്ചെടുത്ത യുവാവിനെ മണിക്കൂറുകള്‍ക്കുള്ളില്‍ നാട്ടുകാര്‍ പിടികൂടി പോലീസില്‍ ഏല്‍പിച്ചു. ബേക്കൂര്‍ പുളിക്കുത്തിയിലെ യുവാവാണ് പിടിയിലായത്.

തിങ്കളാഴ്ച വൈകിട്ട് പുളിക്കുത്തിയിലെ ശ്മശാനത്തിനടുത്ത് വെച്ച് നാട്ടുകാരിയായ ലീല (44) യുടെ മാലയാണ് തട്ടിപ്പറിച്ചത്. ലീലയുടെ കയ്യിലുണ്ടായിരുന്ന പണമടങ്ങിയ ബാഗും യുവാവ് തട്ടിയെടുത്തു. അക്രമം ചെറുക്കുന്നതിനിടെ ലീല യുവാവിന്റെ കൈക്ക് കടിക്കുകയും ചെയ്തു.

നിലവിളികേട്ട് നാട്ടുകാര്‍ ഓടിക്കൂടിയപ്പോള്‍ യുവാവ് ഓടിരക്ഷപ്പെടുകയായിരുന്നു. ഒടുവില്‍ നാട്ടുകാരുടെ സഹകരണത്തോടെ കുമ്പള പോലീസ് നടത്തിയ തിരച്ചിലിലാണ് പരിസരത്തെ ഒരു വീട്ടില്‍ ഒളിച്ചുകഴിയുകയായിരുന്ന യുവാവിനെ പിടികൂടിയത്.

Also Read: 200 മുസ്ലീങ്ങള്‍ ബിജെപിയിലേയ്ക്ക്