പുലര്‍ചെ ഭര്‍ത്താവ് പുറത്തു പോയപ്പോള്‍ വീട്ടമ്മയെ പീഡിപ്പിക്കാന്‍ ശ്രമം

അഡൂര്‍: പുലര്‍ചെ വ്യാപാരിയായ ഭര്‍ത്താവ് പച്ചക്കറി കൊണ്ടുവരാനായി പുത്തൂരിലേക്ക് പോയപ്പോള്‍ വാതില്‍ തകര്‍ത്ത് അകത്ത്കടന്ന യുവാവ് വീട്ടമ്മയെ പീഡിപ്പിക്കാന്‍ ശ്രമിച്ചു. അഡൂര്‍ പുതിയമ്പലത്താണ് സംഭവം നടന്നത്. യുവതിയുടെ നിലവിളികേട്ട് അയല്‍വാസികള്‍ ഓടിയെത്തുമ്പോഴേക്കും പീഡനത്തിന് മുതിര്‍ന്ന യുവാവ് ഓടിരക്ഷപ്പെട്ടു.

യുവതിയും ഭര്‍ത്താവും കുഞ്ഞുമാണ് വീട്ടില്‍ താമസിക്കുന്നത്. എല്ലാദിവസവും പുലര്‍ചെ വ്യാപാരിയായ യുവതിയുടെ ഭര്‍ത്താവ് പുത്തൂരിലേക്ക് പച്ചക്കറിവാങ്ങാന്‍ പോകാറുണ്ട്. ഈ തക്കം നോക്കിയാണ് യുവാവ് അകത്ത് കടന്നത്. യുവാവ് അകത്ത് കടന്നപ്പോള്‍ പുറത്ത് മറ്റു രണ്ട് പേര്‍ ഉണ്ടായിരുന്നതായും വ്യക്തമായിട്ടുണ്ട്.

സംഭവത്തെകുറിച്ച് ആദൂര്‍ പോലീസ് അന്വേഷണം ആരംഭിച്ചു.