കാസര്‍കോട്: ഒരു വര്‍ഷം മുമ്പ് എറണാകുളത്തു നിന്ന് മോഷണം പോയ ബൈക്കുമായി രണ്ടു പേരെ ടൗണ്‍ പോലീസ് അറസ്റ്റു ചെയ്തു. തിങ്കളാഴ്ച വൈകിട്ട് അണങ്കൂരില്‍ വെച്ചാണ് അറസ്റ്റ്.
 |
| അറസ്റ്റിലായ പ്രതികള്‍ |
പടുവടുക്കത്തെ നിസാമുദ്ദീന്‍ (21), കൊളത്തൂര്‍ ആവില്‍ ഹൗസിലെ കെ.കെ അബ്ദുല്‍ ഖാദര്‍ (19) എന്നിവരെയാണ് കെ.എല്‍ 59-9022 നമ്പര്‍ ബൈക്കില്‍ സഞ്ചരിക്കുന്നതിനിടെ പോലീസ് പിടികൂടിയത്. വാഹന പരിശോധനയ്ക്കിടെ സംശയം തോന്നി ചോദ്യം ചെയ്തപ്പോഴാണ് മോഷ്ടിച്ച ബൈക്കാണെന്ന് വ്യക്തമായത്.
ബൈക്ക് ഒരു വര്‍ഷം മുമ്പ് കൊച്ചിയില്‍ നിന്ന് മോഷണം പോയതാണെന്നും ഇത് തൃപ്പൂണിത്തുറ അമ്പാടി ഹൗസിലെ അഭിലാഷിന്റേതാണെന്നും പോലീസ് പറഞ്ഞു. ബൈക്കിന്റെ യഥാര്‍ത്ഥ നമ്പര്‍ മാറ്റിയതായും പോലീസ് അന്വേഷണത്തില്‍ കണ്ടെത്തി. പ്രതികളെ കൂടുതല്‍ ചോദ്യം ചെയ്തു വരുന്നു.
 |
| പ്രതികളില്‍ നിന്നും പിടികൂടിയ ബൈക്ക് |
Keywords:
Bike, Arrest, Robbery, Police, Accuse, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.
