തെങ്ങില്‍ നിന്നും നീരാ ഉല്‍പ്പാദിപ്പിക്കാന്‍ പദ്ധതി - മുഖ്യമന്ത്രി

കാസര്‍കോട്: നാളികേര കര്‍ഷകരെ രക്ഷിക്കാന്‍ തെങ്ങില്‍ നിന്നും നീരാ ഉല്‍പാദിപ്പിക്കുന്ന പദ്ധതി ഗൗരവമായി കാണുമെന്ന് മുഖ്യമന്ത്രി ഉമ്മന്‍ചാണ്ടി പ്രസ്താവിച്ചു. സി.പി.സി.ആര്‍.ഐയില്‍ കേരാധിഷ്ഠിത സംരംഭ വൈവിധ്യവല്‍ക്കരണത്തിന്റെ ഭാഗമായി നടന്ന കര്‍ഷക സംഗമം പരിപാടിയില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.

നീര ഉല്‍പാദിപ്പിക്കുന്നത് സംബന്ധിച്ച് പഠിക്കാന്‍ എക്‌സൈസ് വകുപ്പ് പ്രത്യേകം കമ്മിറ്റി രൂപീകരിച്ചിട്ടുണ്ട്. തൊഴിലാളികള്‍, കര്‍ഷകര്‍, ഉദ്യോഗസ്ഥര്‍ എന്നിവരുടെ പ്രതിനിധികള്‍ ഉള്‍പ്പെട്ട കമ്മിറ്റിയുടെ ശുപാര്‍ശകള്‍ പരിശോധിച്ച ശേഷം നടപടി എടുക്കും. നീര ഉല്‍പാദനം സംബന്ധിച്ച് തൊഴിലാളികളുടെ ആശങ്ക പരിഹരിക്കും. നീര ഉല്‍പാദിപ്പിക്കുന്നതോടെ തെങ്ങില്‍ നിന്നും കിട്ടുന്ന ആദായം പല മടങ്ങ് വര്‍ദ്ധിക്കും.