രാമന്തളിയുടെ തീരാവേദനയായി സൈനബ ഉമ്മ
Nov 10, 2012, 11:00 IST
നാലു പതിറ്റാണ്ടു മുമ്പ് ജോലി തേടിയാണ് ഇവര് രാമന്തളിയില് എത്തിയത്. രാമന്തളിയിലെ ഒരുവീട്ടില് ജോലിചെയ്യുകയും സ്വന്തം വീട്ടുകാരെപ്പോലെ കഴിയുകയും ചെയ്തു. എന്നാല് പ്രായമായതോടെ ജോലിചെയ്യാന് വയ്യാത്ത ഇവര് ഒരു വര്ഷമായി ജുമുഅത്ത് പള്ളിക്ക് സമീപമുള്ള ആളൊഴിഞ്ഞ പഴയ വീട്ടിലായിരുന്നു താമസിച്ചിരുന്നത്. എന്നാല് വീട് പൊളിച്ചുമാറ്റുന്നതിനാല് ഇപ്പോള് സ്കൂള് വരാന്തയിലാണ് രാത്രികാലങ്ങളില് കിടന്നുറങ്ങുന്നത്.
കൂടപ്പിറപ്പായി ഒരു സഹോദരനുണ്ടായിരുന്നു. ഇപ്പോള് അടുത്ത ബന്ധുക്കള് ആരും തന്നെ ഇവര്ക്കില്ല. അതുകൊണ്ടുതന്നെ നാട്ടുകാരുടെ സഹായത്തോടെയാണ് ഇവര് ജീവിതം മുന്നോട്ടുകൊണ്ടുപോകുന്നത്. രാമന്തളി വിട്ട് എങ്ങോട്ടും പോകാന് ഇവര് ആഗ്രഹിക്കുന്നില്ല. കാരണം രാമന്തളിയിലെ ജനങ്ങള് ഇവരെ അത്ര മാത്രം സ്നേഹിക്കുന്നുണ്ട്.
സര്കാര് ആശ്രയ പദ്ധതികളും മറ്റും കൊട്ടിഘോഷിക്കുമ്പോള് ആശ്രയമില്ലാത്ത സൈനബയുമ്മ നാടിനു മുന്നില് ചോദ്യചിഹ്നമായി മാറുകയാണ്.
കടപ്പാട്: മാധ്യമം
Keywords: Payyannur, House, School, Visits, Food, Work, Brothers, Helping hands, Love, Kerala
