യൂത്ത് കോണ്ഗ്രസ് മെമ്പര്ഷിപ്പ്: പിന്നില് നീലകണ്ഠനും നാരായണന്കുട്ടിയും
Nov 27, 2012, 00:32 IST
കാസര്കോട്: യൂത്ത് കോണ്ഗ്രസ് മെമ്പര്ഷിപ്പ് സീലിംഗുമായി ബന്ധപ്പെട്ട് ഒരുവിഭാഗം നടത്തിയ അക്രമങ്ങളും, മെമ്പര്ഷിപ്പ് സൂക്ഷിച്ച് വെച്ചിരുന്ന ക്യാബിന് അടിച്ചുതകര്ത്ത് 20,000 ഓളം മെമ്പര്ഷിപ്പുകളും ബന്ധപ്പെട്ട രേഖകളും ബലം പ്രയോഗിച്ച് എടുത്തുകൊണ്ടുപോയതിനുപിന്നിലും കണ്ണൂര് ജില്ലയിലെ കെ.പി.സി.സി. നിര്വാഹക സമിതി അംഗം എന്. നാരായണന് കുട്ടിയും കാസര്കോട് ഡി.സി.സി. സെക്രട്ടറി കെ. നീലകണ്ഠനുമാണെന്ന് എ ഗ്രൂപ്പ് നേതാക്കള് വാര്ത്താ സമ്മേളനത്തില് ആരോപിച്ചു.
അതുകൊണ്ടുതന്നെ ഇരുവരെയും പാര്ട്ടിയില് നിന്നും പുറത്താക്കാന് കെ.പി.സി.സി. നേതൃത്വത്തോടും ഡി.സി.സി. പ്രസിഡന്റിനോടും ആവശ്യപ്പെട്ടതായി ഇവര് പറഞ്ഞു. ജില്ലയിലെ യൂത്ത് കോണ്ഗ്രസ് പ്രവര്ത്തകര് നടത്തിയ ശ്രമഫലമായാണ് 20,000 ഓളം ആളുകള്ക്ക് യൂത്ത്കോണ്ഗ്രസ് അംഗ്വതം നല്കാന് കഴിഞ്ഞത്. ജില്ലിയിലെ കോണ്ഗ്രസ് പ്രവര്ത്തകരെ വേദനിപ്പിച്ച സംഭവങ്ങളാണ് കഴിഞ്ഞദിവസം അരങ്ങേറിയത്.
സംഭവത്തിന് ഉത്തരവാദികള്ക്കെതിരെ പോലീസില് പരാതിനല്കാന് ഡി.സി.സി. നേതൃത്വം തയ്യാറാവണം. അക്രമങ്ങള് നടത്തുകയും ഡി.സി.സി. ഓഫീസിനുമുന്നില് ധര്ണ നടത്തുകയും ചെയ്തവരെ പാര്ട്ടിയില് നിന്ന് പുറത്താക്കുകയുമാണ് ചെയ്യേണ്ടത്. നീലകണ്ഠനെ ഡി.സി.സി. പ്രസിഡന്റായി നിയമിക്കുന്നതിന്റെ പേരിലല്ല തങ്ങള് അദ്ദേഹത്തിനെതിരെ ആരോപണം ഉന്നയിക്കുന്നതെന്ന് മാധ്യമപ്രവര്ത്തകരുടെ ചോദ്യത്തിന് മറുപടിയായി നേതാക്കള് പറഞ്ഞു.
വാര്ത്താ സമ്മേളത്തിനല് കെ.പി.സി.സി. എക്സിക്യൂട്ടീവ് അംഗം അഡ്വ. എം.സി. ജോസ്, ഡി.സി.സി. വൈസ് പ്രസിഡന്റ് പി.സി. രാമന്, ജനറല് സെക്രട്ടറിമാരായ കെ.വി. ഗംഗാധരന്, എ. ഗോവിന്ദന് നായര്, ബി. സുബ്ബയ്യറായി, മത്സ്യതൊഴിലാളി കോണ്ഗ്രസ് ജന. സെക്രട്ടറി വി.ആര്. വിദ്യാസാഗര്, അഡ്വ. എ. ഗോവിന്ദന് നായര്. എന്നിവര് സംബന്ധിച്ചു.
Keywords: Kasaragod, Press meet, youth-congress, Police, Case, DCC-office, Leader, Worker, Clash, Kerala, Malayala News, Kerala Vartha
