സി.ഒ.പി.ഡിക്കെതിരെ ജാഗ്രത വേണം: ഡോക്ടര്മാര്
Nov 14, 2012, 16:51 IST
കാസര്കോട്: ക്രോണിക്ക് ഒബ്സ്ട്രക്ടീവ് പള്മനറി ഡിസീസ്(സി.ഒ.പി.ഡി.) എന്ന രോഗത്തിനെതിരെ ജാഗ്രത പുലര്ത്തണമെന്ന് കാസര്കോട് കെയര്വെല് ഹോസ്പിറ്റല് അഡ്മിനിസ്ട്രേറ്റര് തോട്ടത്തില് മുഹമ്മദലി, ഡോ. നാരായണ പ്രദീപ് എന്നിവര് വാര്ത്താ സമ്മേളനത്തില് അറിയിച്ചു.
നവംബര് 14ന് സി.ഒ.പി.ഡി. ദിനമായി ആചരിക്കുന്നതായും അവര് പറഞ്ഞു. സി.ഒ.പി.ഡി. ഒരു പകര്ച വ്യാധി അല്ല. ഇത് കുട്ടികളെ ബാധിക്കാത്ത അസുഖമാണ്. 40 വയസുകഴിഞ്ഞ പുകവലിക്കാരിലാണ് അസുഖം കൂടുതലായി കണ്ടുവരുന്നത്. ആസ്ത്മ രോഗം ചികിത്സിക്കാതിരുന്നാല് സി.ഒ.പി.ഡി. വരും. നിരന്തരമായ ചുമയെത്തുടര്ന്ന് കഫം പുറത്ത് വരിക, കൂടുതല് അധ്വാനിക്കുമ്പോഴോ, വേഗത്തില് നടക്കുമ്പോഴോ ശ്വാസ തടസം അനുഭവപ്പെടുക, ജോലി ചെയ്യാന് സാധിക്കാതെ വരിക എന്നിവയാണ് അസുഖ ലക്ഷണങ്ങള്. ആധുനിക ചികിത്സ മൂലം രോഗം പൂര്ണമായി മാറ്റാന് സാധിക്കുമെന്നും അവര് പറഞ്ഞു.
Keywords: Carewell Hospital, Press meet, Doctor, kasaragod, Dr. Narayana Pradeep, C.O.P.D., Chronic Obstructive Pulmonary Disease