എ.എസ്. മുഹമ്മദ്കുഞ്ഞിയെയും ഉദയശങ്കര റാവുവിനെയും ആദരിച്ചു
Nov 1, 2012, 13:55 IST
കാസര്കോട്: ഭരണഭാഷാവാരാഘോഷത്തിന്റെ ഭാഗമായി ജില്ലയിലെ രണ്ട് സാഹിത്യകാരന്മാരെ ജില്ലാ ഭരണകൂടം ആദരിച്ചു. ഇന്ഫര്മേഷന് ആന്റ് പബ്ലിക് റിലേഷന്സ് വകുപ്പിന്റെ നേതൃത്വത്തില് കേരളപ്പിറവി ദിനമായ വ്യാഴാഴ്ച കലട്രേറ്റ് കോണ്ഫറന്സ് ഹാളില് നടന്ന ചടങ്ങിലാണ് മലയാള സാഹിത്യകാരന് എ.എസ്. മുഹമ്മദ്കുഞ്ഞിയെയും കന്നട-തുളു നാടകകൃത്ത് എന്.എ. ഉദയശങ്കര് റാവുവിനെയും ആദരിച്ചത്.
ജില്ലാ കലക്ടര് പി.എസ്. മുഹമ്മദ് സഗീറിന്റെ അധ്യക്ഷതയില് നടന്ന ചടങ്ങ് എന്.എ. നെല്ലിക്കുന്ന് എം.എല്. എ. ഉദ്ഘാടനം ചെയ്തു.
കേന്ദ്ര സര്വകലാശാലാ വൈസ് ചാന്സലര് ഡോ. ജാന്സി ജെയിംസ് മുഖ്യപ്രഭാഷണം നടത്തി. എ.എസ്. മുഹമ്മദ്കുഞ്ഞിയെ നാരായണന് പേരിയയും ഉദയശങ്കറിനെ രാധാകൃഷ്ണ ഉളിയത്തട്ക്കയും പരിചയപ്പെടുത്തി. പി. സേതുലക്ഷ്മി കവിതാലാപനം നടത്തി. എ.എസ്. മുഹമ്മദ് കുഞ്ഞിയും ഉദയ ശങ്കര് റാവുവും തങ്ങളുടെ സര്ഗാത്മക വഴികളെക്കുറിച്ച് മറുപടി പ്രസംഗത്തില് സംസാരിച്ചു.
കാസര്കോട് ഗവ. കോളജ് പ്രിന്സിപ്പല് പി. രാജലക്ഷ്മി, നായന്മാര്മൂല ടി.ഐ.ടി.ടി.സി. പ്രിന്സിപ്പല് ഇ.വി കുഞ്ഞിരാമന്, വി.വി പ്രഭാകരന്, ജില്ലാ ഇന്ഫര്മേഷന് ഓഫീസര് കെ. അബ്ദുര് റഹ്മാന്, അസി. ഇന്ഫര്മേഷന് ഓഫീസര് സേതുരാജ് ബി. എന്നിവര് പ്രസംഗിച്ചു.
Keywords: Literature, Malayalam, Information, Collectorate, Conference, govt.college, Naimaramoola, Keralapiravi-day, kasaragod, Kerala
